بنعيش ف الدّنيا جسد بلا روح

[الجنة غايتي]

الدّنيا , بلا , بنعيش , حسد , روح , ف

بنعيش ف الدّنيا جسد بلا روح

لما بيتوفّى حبيب غالى علينا بنتعب جدًاا جسديًّا ونفسيًّا وبنكبر سنين كتير أوى ف سويعات وأيّام قليلة جدًااا ..

بنعيش ف الدّنيا جسد بلا روح
بنعيش واحنا حرفيًّا بنصارع الحياة

كلّ حاجة بتكون تقيلة ع قلوبنا حتّى النّفس بيكون صعب جدًااا وكإننا بنتنفّس من خرم إبرة .. 😥💔

•••• كلّ النّاس اللى حوالينا واللى حاسّين بينا واللى بيحاولوا يساعدونا ع التجاوز؛ بتكون ليهم جملة شهيرة بيردّدوها كلّهم ( الحياة لازم تمشى ) ..

•••
ماشى يا جماعة الحياة هتمشى والله؛ بس بالنسبالنا هتمشى بصعوبة شديدة أوى؛ لإنّها هتكون ناقصة حبايبنا اللى همّا أساس الحياة وأساس الفرحة ..

ناقصة حبايبنا اللى مشيوا وسابولنا مواقف وذكريات من شدّة جمالها قلوبنا بتتوجع عليهم بزيادة ..

حبايبنا اللى مش هيتكرروا تانى أبدًا
ولا حتى هيتعوّضوا ( كلّ حد له مكانه ) ..

•••
الحياة بالفعل ماشية بس ناقص منها حد حلو أوى؛ حد غالى علينا أوى؛ حد هو النّفَس ودقّات القلب؛ حد هو الرّوح؛ حد خلاص مش هنشوفه تانى ف الدّنيا ..

حد هنعيش ع ذكرياته وهنستحضر كل تفاصيله بكل قهرة وحسرة لإننا ع يقين إنّه خلاص يستحيل نشوفه تانى ف دار الدّنيا .. 💔

• صحيح الحياة بتمشى بس ناقصة وجوده
• الحياة بتمشى وشوقنا و وجعنا عليه بيزيد

فاللهمّ اجبر كسرنا وتولّنا فيمن تَولّيت .. 🤲