تاجرات الأون لاين

[الجنة غايتي]

تاجرات الأون لاين
*بشر يأكلون ويشربون ويحتاجون للنوم والراحة
لديهم بيت وأطفال وزوج وعائلة
📌فلما تقرري تشتري منهم تتعبي شوية وخدي وقتك في تصفح منشورات الجروب وقراءة البوست المثبت بكل تفاصيله لأنهم شرحوا فيه وجاوبوا عن أسئلة كتيرة هتسأليها
📌حاولي تحددي اختياراتك وتنشني على المطلوب بالظبط عشان التعب والفرهدة
📌حاولي تكوني لطيفة في أسئلتك وطلباتك لأن كل واحد فيه اللي مكفيه
📌مش عشان هيا زوق وبنت ناس تحرجيها وتطلبي خصومات بسيف الحياء
📌بلاش كلام دبش وأوامر هيا مش شغالة عند حضرتك
📌أرجوكي وأحب ع ايدك بلاش نبرة الاستعلاء دي لأنك كدا فظة غليظة وعيب عليكي
📌بلاش تلقيح كلام في وسط الحوار عن أنها بتكسب وشغلها بيتباع زي النار
انتي متعرفيش الوقت والجهد والقلق والتوتر اللي هيا عايشة فيه والمسئولية اللي بتتحملها
📌بالله عليكي يا شيخة القر دا بيخنقهم وهما اصلا ربنا وحده العالم بظروفهم


📌التردد وطلب اوردر وبعد شوية تغييره أو إلغاؤه وبعد كدا طلب تاني دي حاجة مش لطيفة
📌لما تطلبي اوردر والمندوب يجيلك لحد البيت وحضرتك مش موجودة وتضطر هيا تتحمل المشوار دي اسمها قلة زوق.
📌وأخيرا الراحمون يرحمهم الرحمن
ارحموا من في الأرض يرحمكم من في السماء.
أنا مش تاجرة اون لاين ولا ليا جروب بيع بس بصراحة شفت كتير مآسي في التعامل مع صديقاتي
والله أحيانا أشفق عليهن مما يلقينه
أسأل الله العظيم رب العرش العظيم أن يوسع أرزاقهن ويؤتيهن الحلم والحكمة وفصل الخطاب
ولا ننسى حديث رسولنا الكريم

( عَنْ جَابِرِ بْنِ عَبْدِ اللَّهِ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ رَحِمَ اللَّهُ عَبْدًا سَمْحًا إِذَا بَاعَ سَمْحًا إِذَا اشْتَرَى سَمْحًا إِذَا اقْتَضَى)).

[الجزيرة]

تمام جدا