البروستد من المطبخ الامريكي بالخطوات المصورة

[بنوتة سكره]

هسافر بالطيارة علي امريكا علشان اعملكم البروستد المقرمش




يعتبر البروستد من الوجبات السريعة المشهورة بشكلٍ كبير في كافة أنحاء العالم، ويعود أصل هذه الوجبة إلى أمريكا، ويدخل الدجاج كعنصر أساسي فيها، ونتبله بعدة مكونات، ويقدم بجانب البروستد الكثير من المقبلات، ومن أبرزها البطاطا المقلبية وشرائح البصل المتبلة، وأنواع مختلفة من السلطات، وخاصة سلطة الملفوف الأحمر بالمايونير. ويتم تقديم هذه الوجبة بالمطاعم بكثرة، وبالمقابل نستطيع تحضيرها بالمنزل بطريقة سهلة ولا يحتاج الكثير من الوقت، ويمتاز بطعمه المقرمش ونكهته المميزة،


المقادير
2 فرخة
4 اكواب دقيق
معلقتين كبار بابريكا
معلقتين كبار نشا
ملح
ربع كوب بقسماط
معلقتين كبار توم بودر ؛؛ معلقتين كبار بصل بودر
معلقة فلفل اسود
معلقه كبيرة شطه او حسب الرغبة
زيت للقلي


الطريقة

اولا نغسل الفراخ كويس بالملح والخل والليمون وننقعها شويه ثم تشطف ونقطعهم كل فرخة 8 قطع ونعمل محلول ملحي مكون من معلقة سكر ومعلقة ملح ومعلقة خل ونترك الفراخ في هذا المحلول من الليل للصبح
علشان المحلول ده بيخلي الفراخ مفيهاش دم لاني هقليها نيه من غير سلق




هنا الفراخ مقطعة



هخلط كل المكونات مع بعض واقلب الدقيق كويس



نقسم كميه الدقيق نصفين كما بالصورة كميه في طبق غويط وكمية اخري في كيس والكيس هضيف عليه البقسماط


نيجي علي كمية الدقيق اللي عليه توابل في الطبق نضع عليه ماء بالتدريج ونقلب باستمرار الي ان يصبح خليط وسط لا هو تقيل ولا هو خفيف


نضع الفراخ المقطعة في الطبق ونقلب ونتركها من بالليل للصبح ولو مستعجله ممكن نتركها ثلاث ساعات أقل شئ


هنجيب الكيس اللي فيه باقي الدقيق اللي عليه توابل ونضع البقسماط ونقلب ثم نضع كل قطعة دجاج في الكيس ونقلب وهي في الكيس علشان تيدينا الموجه اللي على جلد الفراخ اللي بتبقي مقرمشة



هجيب حلة صغيرة واضع فيها كمية كبيرة زيت وبقول حله صغيره علشان هتاخد كميه زيت كتير فكل لما الحله تصغر كل ما قللنا كميه الزيت واسخنه وبعدين اقلي القطع واقلبها حتي ان تصبح لونها ذهبي



وهنا شكلها بعد ما طلعتها


عملت معاها تومية



وقدمت جنبها خبز الفينو وأرز علشان اللي بيحب ياكلها بالارز ياكل واللي بيحب الفينو برده ميزعلش وطبعا مننساش الكاتشاب والمايونيز



طلعت روعة اتمنى تجربوها انا كنت الأول بشتريها من بره بس طلعت في البيت انضف واحلي


















وبالف هنا

[نور القرآن]

تسلمى يا قمر