جوهرتان فى تربية الاطفال والمراهقين

[عطر الزهور]

لندخل فى موضوعنا بدون مقدمات طويلة
الكثير من اولياء الامور يصلون بأبنائهم الى مرحلة المراهقة وما قبلها ثم ينقلب الامر..
(ابنى اتغير - مش عارف بيعمل اه - مش عارفه بيروح فين - مين صحابة - مستواه فى الدراسة بيقل
- مستهتر - اخلاقة بتتغير - بيتأخر - وهكذا من قوائم الشكاوى - هقول لابوه ..)

اليكم جوهرتان فى تربية الابناء خصوصا فى اواخر الطفولة ومرحلة المراهقة ولا يختلف الامر من ولد او بنت كثيراً:

الجوهرة الاولى: الكلام. <-------------------
نعم, الكلام مع الاولاد لا تدع ابداً ابداً ابداً التواصل بالكلام وجها لوجه ينقطع وليس بالفيس او الواتس وغيره
نعمة الكلام لا تقدر بثمن.
تحدث مع ابنك وانتى مع بنتك, ليس اى كلام
تكلم ببساطة - بوضوح - بصراحة - فى اى موضوع وفى الوقت المناسب..

ابنى لا يريد الكلام معى وطول النهار قدام الموبيل او الكمبيوتر مش عارف بيعمل اه؟
مش لازم تعرفى, لكن فهمه انه الوقت الى بيضيع على الكمبيوتر انت اولى بيه لو مش بتعمل شئ مفيد يبقى بلاش.

اتكلموا مع اولادكم مش بالعافية- مش فى مواضيع تافهة - مش عشان لازم - مش عشان انا فاضى
- مش عشان مناسبة معينه - مش عشان شاكك فيه - مش عشان هو مبيفهمش وانا الكبير - مش عشان مصلحته
- مش بصوت عالى عشان اخوفه.

اتكلموا مع اولادكم طبيعى لان الكلام نعمة كبيرة ومهمة خاصة فى زمننا, متبوظهاش بالسكوت والانانية او التكبر.
(اولادكم امانة مش ملكية) مش ملكية مش ملكية


==================== ==================== ==================== ==

الجوهرة الثانية: المسؤلية. <-------------------
شيلوا اولادكم المسؤلية ومسؤلية البيت خليهم يساعددوكم عشان يتعلموا.

المسؤلية مش فى الشتاء بس والصيف free الاجازة اخيرا, لان المسؤلية مش مذاكرة بس ولا مدرسة بس.
(المسؤلية حياة)

قلة المسؤلية على الاولاد مش نعمة بالعكس ....

تعالوا نعمل مقارنة بسيطة بين شاب فاضى اهلة بيحبوه وبيخافوا عليه قوووى (خوف مرضى)
وشاب تانى وراه مسؤليه مهمة واهلة بيحبوه وبيخافوا عليه طبيعى

الشاب (الشابة) الفاضى:
مفيش اختلاف كبير بين الاجازة والدراسة يصحى من النوم فيس واتس - بيتفسح - قاعد على القهوة - هربان من المدرسة مع صحابة
- عالموضة - بيسرح شعرة - اخر اغنية حافظها - احدث موبايل عشان السيلفى - روش فى الكلام
- زهقان ومبينجحش فى حاجة مهمة - اهم حاجة النيو لوك.

شاب (شابة) وراه مسؤلية:
فى الدراسة: عارف اهمية الى بيعملة عارف بيروح المدرسة ليه وبيدرس ليه وعايز يبقى اه,,,
مش بيروح المدرسة عشان لازم او عشان ياخد راحتة فى الاجازة ,, شايف الدنيا على حقيقتها.
فى الاجازة: هيستريح شويه, عارف ان وراه مسؤلية فى حياته مش بس فى الدراسة وفى البيت والتدريب وغيره..

ناس كتير فاكره ان لما ابنها وبنتها يبقى مستريح دلوقتى
عشان ميتعبش بعد كدا او انا اتعب بدالهم بالعكس انت بتدمريها.

يعنى اه اشيل ابنى المسؤلية -----------؟

يعنى يشارك فى المسؤلية.. يساعد فى كل حاجة فى البيت.. المثل واضح الايد البطالة..*****...*.. .*
مثلا يابنى فى الاجازة انت هتساعدنا مثلا انك هتبقى مسؤل عن حاجة زى مثلا شراء تموين او عيش
او انك هتجيب الفطار كل يوم..
او هتروح تراعى ستك او هتعمل اى حاجة تانية مفيدة (لينا وليك ولغيرك) لاننا كلنا واحد .

لازم يبقى حاسس انه عايش, متموتش (ابنك او بنتك) بأنه ملوش اى لازمة غير المدرسة وفى الاجازة يعمل الى هو عايزة بعيد عن دماغى..!
حملوا اولادكم المسؤلية معاكم.
طبعا مش بالعافية

[فخامة الملكة]

بارك الله فيكي
و جزاكى كل ما فيه خير
موضوع قمة و طرح ولا اورع

[سارة أحمد]

ما شاء الله
موضوع زي العسل
يا أحلى من العسل