[من مطبخي] ارز بالخضار واللحمة (اكلة مغربي)من مطبخي بالصور

[أمنت بالله ربآ]

ازيكم يا احلي حلويات في الدنيا
وحشني قسم المطبخ وبقالي كتير مدخلتش
فقلت اجي اسلم عليكم ومش معقول ادخل عندكوا وايدي فاضية

دي اكلة مغربي اتعلمتها من اهل البلد وبيعملوها بالرز او الكسكسي والطريقتين تحففففففة
ان شاء الله تعجبكم وتعملوها واعزموني

اسيبكم مع الطريقة والمقادير
نصف كيلو لحمة
نصف كيلو من كل من كوسة بطاطس جزر
كيلو ارز
2حبة طماطم
2قرن فلفل
بصلة كبيرة
2ملعقة كبيرة صلصلة
ملخ فلفل كركم وبهرات صفرا (بهرات فراخ او كاري)

الطريقة


نقطع البصل والفلفل والطماطم

لما يغلوا نضيف قطع اللحمة

ثم البهارات والملح والفلفل والصلصة



ونضيف الخضار متقطع كبير لانه هياخد نفس سوا اللحمة اما لو اللحمة هتاخد سوا كتير يبقي نسيبها تغلي غلوتين قبل اضافة الخضار


التكة اللي جاية بتاعة الرز
قبل ماتعملي الاكل بساعة انقعي الرز في ماية سخنة وملح لاننا هنسويه علي البخار
بعد ما نضيف الخضار للحمة هنزود ماية تغطيهم ونجيب ماصفة المونيوم تكون نفس مقاس الحلة ونحط فيها الارز بعد ما نصفيه ونحط له رشة من الصلصة بتاعة الاكل ونغطيه اهم حاجة نغطيه
كويس علشان بخار اللحمة والخضار هو اللي هيسويه وتكون الماصفة بعيدة عن الصلصة لاننا عايزين البخار

وكل ربع ساعة نفتح ونسقي الرز من صلصة اللحمة والخضار وحاولي تاخدي وش الصلصة بالزيت لانه بيلمع الرز

الموضوع دة ممكن ياخد ساعة ويكون استوي
هنقدمه بوضع الرز الاول وفوقه الخضار واللحمة



وبالف هنا وشفا

[عطر الزهور]

تسلم اديكى
بجد جميييييييييله جدااااااااااا
ربنا يبارك فيكى
ان شاء الله اجربها واكيد هتطلع جميله

[أمنت بالله ربآ]

اقتباس المشاركة الأصلية كتبت بواسطة عطر الزهور تسلم اديكى بجد جميييييييييله جدااااااااااا ربنا يبارك فيكى ان شاء الله اجربها واكيد هتطلع جميله

اسعدني مرورك يا قمر
جربيها وان شاء الله تعجبك

[rasha shabaan]

1000000000000000 like

[عايدة عامر]

بحب جدا الاكلات اللى فيها اكتر من نوع بتكون مغذية اكتر