رئيسية منتدى حلاوتهم

جديد المنتدى
جديد قسم الحلويات
المواضيع المميزة




المواضيع المميزة خصآئص التسجيـل خـواص هامـة رفـع الصـور أقســام عـامة
العودة   منتدي حلاوتهم > > >
حواديت و قصص الاطفال حواديت و قصص قبل النوم
     
إضافة رد  المفضلة
  حدوتة يويو و الخروف بالصور اكيد
الردود المشاهدات
أدوات الموضوع انواع عرض الموضوع
  رقم المشاركة : ( 1 )
قديم 17-02-2013
الصورة الرمزية مهندسة سلفية
مهندسة سلفية
♥~{::.عـضوة ذهبية .::}~♥
مهندسة سلفية غير متواجد حالياً
صاحبة الموضوع
بيانات العضوة
رقـــم العضويـــة : 17
تــاريخ التسجيـل : Feb 2013
العــــــــمـــــــــر : 37
الــــــدولـــــــــــة : مصر
الــــــمدينـــــــــة : القاهرة
الحالة الاجتماعية : متزوجة
الـــــوظيفـــــــــة : ام ولادى و زوجة
المشاركـــــــــات : 2,114 [+]
الأصـــــدقـــــــــاء : 26
عــدد الـــنقــــــاط : 223
حدوتة يويو و الخروف بالصور اكيد - صاحبة المشاركة njma-monthمهندسة سلفية


حدوتة يويو و الخروف بالصور اكيد



يويو والخروف







كان ياما كان يا سعد يا كرام


ولا يحلى الكلام إلا بذكر النبي


عليه الصلاة والسلام


كان فيه ولد جميل إسمه يوسف


كان ولد مؤدب وطيب وبيسمع دايما الكلام


مكنش بيحب يزعل منه حد خالص


وفي يوم من الايام قبل العيد الكبير


صحى يوسف من النوم متضايق وزعلان





ونده على ماما وهو بيعيط


جت ماما بسرعه و أخدته في حضنها راح قالها


حلمت حلو وحش قوي يا ماما


ماما قالتله لازم نقول : اللهم اجعله خير


وبلاش تحكيه لو وحش يا حبيب ماما


يوسف : أنا مش عايز أكل لحمة يا ماما


ماما : ليه يا يويو؟


يوسف : علشان امبارح و انا راجع من المدرسة شفت واحد بيدبح خروف


و صعب عليا قوي يا ماما


مش عايز أكل لحمه تاني أبدا


ماما : ولا الفراخ اللي بعملهالك زي كنتاكي؟


ولا الكفته اللي بعملهالك برجر في المدرسة وعجبت صحابك؟


يوسف : بس دول مش خروف







ماما : أيوه دي فراخ وبقرة


يوسف : بيدبحوهم برضه يا ماما؟


ماما : إيه رايك احكيلك حدوتة؟


يوسف : آه يا ماما


ماما : صلى على النبي


يويو: عليه الصلاة والسلام




ماما : طبعا انت سمعت مع الشيخ قصص عن الانبياء عليهم الصلاة و السلام


يوسف : عليهم الصلاة والسلام


طيب : حكى لك عن قصة سيدنا إبراهيم مع ابنه إسماعيل؟


يوسف : لا حكى لي عن سيدنا آدم وعن سيدنا نوح


ماما : طيب يا سيدي أنا ححكي لك جزء صغير بس يهمنا النهارده علشان الخروف


سيدنا إبراهيم كان قعد سنين طويلة مش بيخلف أولاد لغاية ما ربنا أعطاه إبنه إسماعيل


اتعلق سيدنا إبراهيم بابنه وحبه قوي بس في مرة من المرات حلم إنه بيدبحه


وأحلام الانبياء صدق


يوسف بص لماما وقالها : معقول يدبحه؟؟؟؟؟


ماما : سيدنا إبراهيم راح لابنه إسماعيل وقاله : يا ابني يا إسماعيل أنا شفت في المنام إني بادبحك


اعمل إيه؟


سيدنا إسماعيل كان مؤمن وعارف غن حلم والده لازم يتحقق


فقاله : يا أبي اعمل اللي ربنا أمرك بيه و أنا راضي
وفعلا راحوا عند مكان الذبح وحط وش سيدنا إسماعيل وجبينه للأرض


علشان ميشوفهوش وهو بيدبحه


وقبل ما يدبحه نزل سيدنا جبريل عليه السلام و قاله يا إبراهيم انت


عملت بالحلم اللي حلمته وأطعت ربنا وصبرت على الامتحان داه


و ربنا سبحانه وتعالى فدا ابنك إسماعيل بكبش عظيم





ربنا سبحانه وتعالى حب يختبر سيدنا إبراهيم ويشوف حيقدر يضحي بإبنه والا لا


ولما نجح في الإختبار ربنا سبحانه وتعالى نزل عليه الخروف الكبير يبقى أضحية بدل


إسماعيل


ومن يومها و إحنا بنحتفل وندبح في نفس اليوم وسمينا العيد


عيد الأضحى







نمت يا يوسف؟


يويو : لا يا ماما بافكر في الحدوتة دي


ماما : خلي بالك من حاجه مهمه يا يوسف


احنا عندنا شروط مهمه جدا علشان ندبح خروف العيد


علمهالنا نبينا محمد صلى الله عليه وسلم


إننا ندبح خروف كبير مش صغير


الصغيرين مينفعش ندبحهم ولا الخروف الأم اللي عندها بيبيهات صغيرة





و إننا لما ندبحها نخلي جنبها للقبله وندبح بسكين حاد وبسرعه




و إننا قبل الدبح نسمي بالله ومنخليش الخروف يشوف السكين







و إننا ندي للفقرا من لحم الخروف


علشان هم مش بيقدروا يشتروا لحمه و أحيانا


بيعدي على بعضهم شه كامل مش بياكلوا لحوم


يوسف : معقول يا ماما ؟ شهر من غير هامبرجر ولا فروخه بالخلطه السحرية بتاعتك؟


ماما : لا يا حبيبي ولا أي حاجه من الحاجات دي أساسا


يعني الواحد اللي بيدبح بيفرح قلب بيوت الفقرا بأكل يشبعهم


وربنا سبحانه وتعالى قالنا في كتابه إننا بناخد ثواب كبير لما نعمل كده


يوسف : أنا كده فهمت يا ماما




ماما : انت فاكر يا يوسف الجاكيت الملون اللي عملتهولك الشتا اللي فات؟






يوسف : أيوه يا ماما


ماما : تعرف إنه الصوف بتاعه بياخدوه من الخروف؟


يوسف : يجد؟


ماما : آه يا حبيب ماما


بناخد من الفرو بتاعه الصوف وبيروح المصنع يطلع


لنا الخيوط الملونة الجميلة اللي عملتلك منها الجاكيت بتاعك
















يوسف : هو الشتا جاي امتى بقى علشان ألبس الجاكيت بتاعي؟


ماما : يارب بعد العيد بقى علشان نقدر نخرج ونزور كل أهلنا وقريبنا


يوسف : ونتفسح يا ماما و أروح الملاهي؟


ماما : نقول إن شاء الله؟


يوسف : إن شاء الله





ماما : يلا بقى بينا ننام ونحلم حلم حلو؟


يوسف : يارب يا ماما احلم بالخروف بتاع العيد و أنا بالعب معاه









ماما : الخروف مش زي القطة بتاعتنا نلعب معاها


بس إن شاء الله حتشوفه


يوسف : تصبحي على خير يا ماما


ماما : تصبح على خير يا أحلى يوسف





بكرة إن شاء الله فكرني أسمعك نشيد الخروف عاليوتيوب


يوسف : حاضر يا ماما


كل خروف و إنتي طيبة


ماما : كل عيد و أنت أحلى يوسف إنت وبابا و إخواتك







نشيد ماء ماء عاليوتيوب
استمتعوا معانا بالمأمأة

[YOUTUBEHD]?v=MjiXwToNodQ&featu re=player_embedded[/YOUTUBEHD]


وتوتة توتة خلصنا الحدوتة
منقول:اطفال من نور





المصدر : منتدي حلاوتهم - من قسم: حواديت و قصص الاطفال




رد مع اقتباس
  رقم المشاركة : ( 2 )
قديم 17-02-2013
الصورة الرمزية منمن
منمن
♥~{::. حلاوتهم منورة دائما .::}~♥
منمن غير متواجد حالياً
بيانات العضوة
رقـــم العضويـــة : 6
تــاريخ التسجيـل : Jan 2013
العــــــــمـــــــــر :
الــــــدولـــــــــــة : مصر
الــــــمدينـــــــــة : مملكتي
الحالة الاجتماعية :
الـــــوظيفـــــــــة : في بتنا
المشاركـــــــــات : 744 [+]
الأصـــــدقـــــــــاء : 17
عــدد الـــنقــــــاط : 120
رد: حدوتة يويو و الخروف بالصور اكيد - صاحبة المشاركة njma-monthمنمن


جميلة اوي يا حبيبتي
تسلم الايادي


رد مع اقتباس
إنشاء موضوع جديد إضافة رد

انتى الان تشاهدى موضوع : {} لموضوع الأصلي : {حدوتة يويو و الخروف بالصور اكيد} ? من قسم : {حواديت و قصص الاطفال}
الكلمات الدليلة : الحروف, اكيد, بالصور, حدوتة, يويو

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حدوتة ممتعة تعلم اطفالنا معنى جميل فى شهر ذى الحجة للعيد والاضحية عطر الزهور حواديت و قصص الاطفال 4 10-12-2017 04:53 PM
زيت جنين القمح لمحاربة الأمراض وعلاج مشاكل البشرة عطر الزهور الاعشاب والطب البديل 2 07-09-2017 06:56 PM
عجب الذنب واعجازه فى القرآن والسنة عطر الزهور المنتدي الاسلامى 2 07-09-2017 04:58 PM
حروف الهجاء مصورة , الحروف الابجدية بكلمات , تعليم الحروف الابجدية بالصور زهرة البنفسج المرحلة الابتدائية 5 24-12-2016 10:26 AM


جميع المشاركات تمثل وجهة نظر كاتبها وليس وجهة نظر الموقع