رئيسية منتدى حلاوتهم

جديد المنتدى
جديد قسم الحلويات
المواضيع المميزة




المواضيع المميزة خصآئص التسجيـل خـواص هامـة رفـع الصـور أقســام عـامة
العودة   منتدي حلاوتهم > >
طفولة وامومة كل مايتعلق بتربية الاطفال و طرق العناية بهم قصص اطفال قصص اطفال قصيرة نصائح لطفلك مقتطفات تربوية مهارات يدوية رسومات للتلوين
     
إضافة رد  المفضلة
  الدورة العبقرية ...علشان تبقى ام ميه ميه ...مع مهندسة سلفية
الردود المشاهدات
أدوات الموضوع انواع عرض الموضوع
  رقم المشاركة : ( 1 )
قديم 08-03-2013
الصورة الرمزية مهندسة سلفية
مهندسة سلفية
♥~{::.عـضوة ذهبية .::}~♥
مهندسة سلفية غير متواجد حالياً
صاحبة الموضوع
بيانات العضوة
رقـــم العضويـــة : 17
تــاريخ التسجيـل : Feb 2013
العــــــــمـــــــــر : 37
الــــــدولـــــــــــة : مصر
الــــــمدينـــــــــة : القاهرة
الحالة الاجتماعية : متزوجة
الـــــوظيفـــــــــة : ام ولادى و زوجة
المشاركـــــــــات : 2,114 [+]
الأصـــــدقـــــــــاء : 26
عــدد الـــنقــــــاط : 223
الدورة العبقرية ...علشان تبقى ام ميه ميه ...مع مهندسة سلفية - صاحبة المشاركة njma-monthمهندسة سلفية


الدورة العبقرية ...علشان تبقى ام ميه ميه ...مع مهندسة سلفية




طبعا كلنا بتعب اوى فى البيت و الاولاد
و للاسف عصبيتنا من المسؤلية اللى علينا بتطلع على اولادنا
و نرجع نندم و نزعل و نقول بكرة هنصلح
و ييجى بكرة و يبقى زى امبارح و يمكن اسوأ كمان ..........و هكذاااااااااا


بس خلاص لازم ناخد وقفة علشان الوقت بيجرى و منتصدمش فى الاخر ان اخر تعبنا شخصيات مهزوزة فاقدة الثقة فى نفسها غير قادرة على الابداع

هنبتدى مع بعض ان شاء الله دورة علشان نبقى امهات ميه ميه
و مننسااااااااااش نحتسب التعب و ننوى النيه علشان ربنا ياجرنا ان شاء الله ....و الله المستعان

اولا: تشكيل معتقد الطفل عن ذاته

لازم نفهم ان الطفل بيبنى فكرتة عن نفسة من خلال اسرتة و بالذاااااات الام
يعنى زى ما هتقولى عليه زى ما هياخد فكرة عن نفسة و يتصرف من خلالها باقى عمرة كله

انتى بقى عليكى فكرتة عن ذاتة تبقى ايجابية ولا سلبية ؟؟

هتنتقدية = سلبية = شخص مهزوز فاقد الثقة فى نفسة و على هامش المجتمع
هتمدحية = ايجابية = شخص ثابت وجودة واثق فى نفسة و مبدع و يجبر الاخرين على احترامة

طيب هتكلم شوية عن النقد اللى احنا شغالين فيه دة
احنا بننتقد علشان فاكرين اننا لما نعمل كدة هيحسن و بنشجعة انه يتغير و دة غلط كبير اووووووووووووووووووى

مثال :: لما جوزك بينتقدك عمرك بتتحسنى و لا بتكتئبى و يجيلك احباط ؟؟
لما جوزك يمدحك مش بتتشجعى و تحسى بثقة و دفعة للامام؟؟

و هكذا فى كل الامور و كل الاشخاص
مفيش حد بيتقبل النقد و لا بيتحسن منه بل بالعكس دايما النتيجة عكسية خالص
و دايما الواحد يتقبل المدح و يحاول يبقى على مستوى حسن الظن دة و اعلى كمان ....صح


تعالى كدة نشوف ايه الرسالة اللى وصلت لابنك من النقد :
الرسالة هى انت عيوبك كذا و كذا و كذا
طيب بالله عليكى دة كلام ينفع من ام مربية لشخصية سوية
انتى بترشدية لعيوبة بدل ما ترشدية لمميزاتة

هاقولك على حاجة غريبة اوى ....فى موقفين وحيدين بنشجع فيهم دايما و عمرنا ما بننتقد و هما المشى و الكلام
تلاقيكى عماله تشجعى فية مهما وقع و برضة تفرحى بكلامة مهما كان مكسر و مش باين
عارفة ليه .........لانك واثقة انه كدة كدة هيمشى و هيتكلم و انها مساله وقت
طيب ليه ميكونش عندك نفس القناعة فى الامور الايجابية اللى طفلك او حتى السلبية !!

انتقادك لطفلك هيؤدى الى الامور دى حتما :
1-هيعمل مسافة بينك و بينه و ينفر منك لانك بتفكرية بعيوبه و فشله .
2-هيعند زيادة و يتمسك بالسلوك السئ و ينتقل للاسوأ.
3-هيعمل معاكى نفس الحكاية لما يقدر و يكبر شوية .

طيب ايه الحل ؟؟

تابعوووووووووونى ان شاء الله تجدوا ما يسركم

لا تنسونى من الدعاااااء بفك الكرب و اصلاح الحال بالله عليكو



المصدر : منتدي حلاوتهم - من قسم: طفولة وامومة




رد مع اقتباس
  رقم المشاركة : ( 2 )
قديم 08-03-2013
الصورة الرمزية مهندسة سلفية
مهندسة سلفية
♥~{::.عـضوة ذهبية .::}~♥
مهندسة سلفية غير متواجد حالياً
صاحبة الموضوع
بيانات العضوة
رقـــم العضويـــة : 17
تــاريخ التسجيـل : Feb 2013
العــــــــمـــــــــر : 37
الــــــدولـــــــــــة : مصر
الــــــمدينـــــــــة : القاهرة
الحالة الاجتماعية : متزوجة
الـــــوظيفـــــــــة : ام ولادى و زوجة
المشاركـــــــــات : 2,114 [+]
الأصـــــدقـــــــــاء : 26
عــدد الـــنقــــــاط : 223
رد: الدورة العبقرية ...علشان تبقى ام ميه ميه ...مع مهندسة سلفية - صاحبة المشاركة njma-monthمهندسة سلفية


هنكمل بامر الله
تلخيص اللى فات اننا نبطل نقد تماااااااااااتمااااا ااااااا لانه اسهل وسيلة لهدم الشخصية و ليس بنائها ......اتفقنا كدة .

ترسيخ المعتقدات الايجابية فى الطفل:


1- هتجيبى ورقة و قلم و تكتبى ايه اللى عايزة ترسخيه فى طفلك من معتقدات و صفات .

2- هتشوفى ايه اللى فيه فعلا من الصفات دى و ايه اللى لسه هنغرسه من الاول .



3- هتصطادى له المواقف الايجابية لاى صفة من الصفات الايجابية (بدل ما كنتى بتصطادى السلبى ...غيرى بقى التغيير حلو برضة )صدقينى هتكتشفى حاجات و لا كنت واخدة بالك منها .

4- اول ما تلاقى موقف ايجابى او الطفل عمل شئ كويس على طول تقولى انك فرحانة و فخورة بيه علشان عمل كذا و كذا و دى من صفات الطفل الشاطر الحلو و كدة

مثاااال :لقيتى ابنك رمى ورقة فى الباسكت ..........على طول بقى ..تعالى يا حمادة انت عارف انا فرحانة بيك اوى لانك ولد شاطر خاالص و نضيف و رميت الورقة فى الباسكت ...........و هكذا فى اى صفة او تصرف ايجابي و انتى و شطارتك فى الكلام الحلو بقى تخيلى انتى بقى نفسيتة هتبقى عاملة ازاى .

5- قبل ما ينام الطفل لاااازم تقولى له مواقفة الايجابية اليوم دة و اد ايه انتى كنتى فرحانة بيه انهاردة

الحكاية دى مهمة جدا لان الوقت دة مهم اوى للنفسية و بيفرق فى الحالة المزاجية لليوم اللى بعدة لان العقل الباطن بيبقى فى اعلى حالالتة اما الواعى فى اضعف حالاتة .

6-يا ريت تتكلمى عنه فى غير وجودة بحيث يسمعك و يسمع مدحك فيه لان دى اثرها اقوى من المدح المباشر كمان .

7- لو الطفل كبير شوية و بيقرا ممكن تحطى ورقة فى اللانش بوكس بتاعه فيها كلام حلو و تقدير ليه بجد تخيلى احساسة و هو بيقرا الورقة فى المدرسة .

رد مع اقتباس
  رقم المشاركة : ( 3 )
قديم 08-03-2013
الصورة الرمزية مهندسة سلفية
مهندسة سلفية
♥~{::.عـضوة ذهبية .::}~♥
مهندسة سلفية غير متواجد حالياً
صاحبة الموضوع
بيانات العضوة
رقـــم العضويـــة : 17
تــاريخ التسجيـل : Feb 2013
العــــــــمـــــــــر : 37
الــــــدولـــــــــــة : مصر
الــــــمدينـــــــــة : القاهرة
الحالة الاجتماعية : متزوجة
الـــــوظيفـــــــــة : ام ولادى و زوجة
المشاركـــــــــات : 2,114 [+]
الأصـــــدقـــــــــاء : 26
عــدد الـــنقــــــاط : 223
رد: الدورة العبقرية ...علشان تبقى ام ميه ميه ...مع مهندسة سلفية - صاحبة المشاركة njma-monthمهندسة سلفية


عدم الوعى بالاسباب الحقيقية لخطأ الطفل

لما الطفل يغلط و قبل ما نعاقب او نتعصب لازم الاول نسأل نفسنا هو ليه غلط الغلط دة ؟


لو عرفنا السبب يبقى هنعرف نحل المشكلة من غير ما نتسبب فى سلبيات فى شخصية الطفل من الاساليب التربوية الغلط زى الضرب و الزعيق لانهم فى الاصل مش حل و انما مجرد تنفيس لغضبنا احنا .

من الاسباب اللى ممكن تخلى الطفل يغلط :
1- عدم قدرة الطفل على ضبط نفسة او اصلاح سلوكة
و دة طبيعى فى الاطفال لان سنهم صغير اوى على انهم يصلحو او يعدلو من سلوكهم

يعنى مثلا ممكن طفل عمال يعيط و انتى مدايقة من صوتة و تقعدى تزعقى اسكت اسكت و هو ميسكتش ....و تقولى دة عنيد ...لكن الحقيقة انة مش عارف يسيطر على نفسة لان سنة اصغر من انه يقدر يتحكم فى نفسة و يظبط انفعلاتة .

مثال تانى ..فى سن السنتين مثلا بيبقى طبيعى جدا فى الطفل الانانية و يحبو ياخدو و ميدوش ....تيجى انتى تطالبيه انه يدى حاجة او يعمل عمل معين ...هو ممكن يرفض ...مش علشان هو وحش لا علشان دة ضد طبيعتة فى المرحلة العمرية دى .

2- الجهل و عدم الفهم الصحيح للامور
خدى بالك انة معندوش وعى زى وعى سيادتك !!
لازم انتى اللى تنزلى لمستوى تفكيره مش تطلبى منه ان هو اللى يطلع


3- حب الاستطلاع
و دة طبيعى فى السن دة و لازم نشجعه مش نحبطه
مثال شااااائع ::الطفل اللى يطلق عليه الطفل المخرب
تلاقى ابنك عمال يقلب فى البيت و يفكك فى اللعب بتاعته و انتى بقى تزعقى " انت على طول كدة تكسر اللعب و تبهدل الدنيا ....مش هاجبلك لعب تانى "

هنا الغلط مش منه دة منك انتى


يعنى هو طبيعى انه يحاول يكتشف و انتى عليكى تنمى الحكاية دى او تقتليها
و لما تقتليها مترجعيش تزعلى و تقولى هو ليه معندوش ابداع!!

لو فتح لعبة علشان يكتشفها شاركيه اكتشافة و افرحى بيه بدل ما تحبطيه .

و هنا لازم تفرقى بين انة بيكتشف او انة بيتعمد التخريب فعلا او بهدلة الدنيا ...ليه بقى ؟؟
لان الحالة الاولى علامة صحية .....اما التانية علامة مرضية تدل انك غلطانة فى التعامل معاه و لازم علاج .

4- لفت الانتباه
دى مهمة اوى ....ممكن يكون هو مش حاسس باهتمامك بيه و نفسة تهتمى بيه فيعمل قلق بس علشان يقولك انا اهو ...

5- الفراغ عند الطفل
و دة بيعمل له ملل و الملل يخلى تصرفاتة مش مظبوطة و متلوميهوش على كدة ....لا نلوم نفسنا لاننا احنا اللى لازم نشغل وقتة بحاجة مفيدة .

6- حب اعتماد الطفل على نفسة .
و هنا طبعا لااااااازم يغلط و لازم انتى تسيبية يغلط و يتعلم من الغلط الصح ....لازم نسمح للطفل بالتجربة و نسيب له مساحة من الغلط على يكبر الطفل دة على الثقة بالنفس و التقدير للذات .

7- شعور الطفل بانه مفتقد شيئا ما ....و دة ممكن يكون :
  • اكل كويس
  • الحب فى الاسرة
  • الامان
  • التقدير
  • تحقيق ذاتة و تجربة الامور بنفسه
يبقى احنا دلوقتى علينا اننا قبل ما نعاقب على السلوك السئ و الغلط لازم نعرف الدواااااااااااااااف ع الحقيقية ورا السلوك دة علشان يبقى العقاب تاديب و ليس تعذيب .



رد مع اقتباس
  رقم المشاركة : ( 4 )
قديم 08-03-2013
الصورة الرمزية مهندسة سلفية
مهندسة سلفية
♥~{::.عـضوة ذهبية .::}~♥
مهندسة سلفية غير متواجد حالياً
صاحبة الموضوع
بيانات العضوة
رقـــم العضويـــة : 17
تــاريخ التسجيـل : Feb 2013
العــــــــمـــــــــر : 37
الــــــدولـــــــــــة : مصر
الــــــمدينـــــــــة : القاهرة
الحالة الاجتماعية : متزوجة
الـــــوظيفـــــــــة : ام ولادى و زوجة
المشاركـــــــــات : 2,114 [+]
الأصـــــدقـــــــــاء : 26
عــدد الـــنقــــــاط : 223
رد: الدورة العبقرية ...علشان تبقى ام ميه ميه ...مع مهندسة سلفية - صاحبة المشاركة njma-monthمهندسة سلفية


الصبر فى التعامل مع اخطاء الاطفال و تعديل سلوكهم


دى مشكلة كبيرة
الام او الاب عايزين اول ما يقولوا الكلمة تتسمع و لو الطفل كرر الغلط يبقى عنيد و قاصد و مستفز و يستاهل اللى يحصل له !!!

المشكلة هنا فينا احنا و مش فى الطفل خاااالص
الطبيعى ان الطفل يحتاج للتكرار و ان يعى الاباء المستوى السنى و الذهنى للطفل و هما اللى ينزلوا له
لكن للاسف تلاقى الاهل هما اللى عايزين الولد يطلع لمستواهم الفكرى و يبقى فذ و عبقرى و من اول مرة يسمع الكلام و ميكررش الغلط تانى ابداا!!

دة قصور فى الفهم عندنا و لازم نصلحه

علميا :علشان يتغير سلوك الطفل بيحتاج من شهر ونص لشهرين .

من اسباب عدم الصبر عند الوالدين:
1- اختلاف المعايير فى عالم الطفولة عن عالم الكبار .
يعنى احنا كبار عارفين مصلحتنا اللى اتعلمناها فى سنين طويلة ....اما الطفل فالعكس تماما لا سنه و خبرتة لا تسمح له بالتصرف الصحيح .

2- عدم ادراك الوالدين ان طبيعى ان الطفل يخطئ.


اصلا لو الطفل مغلطش يبقى عنده مشكله و مش طبيعى مش العكس !
احنا بقى دورنا نعلمه من غلطه دة مش نعنفه عليه

3-عدم ادراك الوالدين ان مشكلات الطفل تحتاج لوقت طويل علشان تتحل .

يبقى لااابد من التعامل مع الطفل بسياسة النفس الطويل لان غير كدة يبقى هنعمل مشكلة نفسية عند الطفل و كمان الام اعصابها هتتعب و تحس بالفشل الدائم .

يقول الله تعالى "والكاظمين الغيظ و العافين عن الناس و الله يحب المحسنين "
طيب من اولى بكظم غيظنا و عفونا من ولادنا حبايبنا ؟؟؟؟

افتكرى ان "كذلك كنتم من قبل فمن الله عليكم "....ففيوم من الايام كنتى ضعيفة زييه كدة و كنتى بتغلطى بردة ...عامليه زى كنتى تحبى اهلك يعاملوكى ساعتها.

افتكرى انه هو دلوقتى الاضعف و انتى الاقوى و محتاااااااج مناهدة و تعب علشان تتعاملى معاه صح ......فى يوم من الايام هتبقى انتى الاضعف و هو الاقوى و بردة هتبقى محتاجة مناهدة و تعب علشان يتعامل معاكى صح ....فعامليه فى ضعفه زى تحبى يعاملك فى ضعفك .


رد مع اقتباس
  رقم المشاركة : ( 5 )
قديم 08-03-2013
الصورة الرمزية مهندسة سلفية
مهندسة سلفية
♥~{::.عـضوة ذهبية .::}~♥
مهندسة سلفية غير متواجد حالياً
صاحبة الموضوع
بيانات العضوة
رقـــم العضويـــة : 17
تــاريخ التسجيـل : Feb 2013
العــــــــمـــــــــر : 37
الــــــدولـــــــــــة : مصر
الــــــمدينـــــــــة : القاهرة
الحالة الاجتماعية : متزوجة
الـــــوظيفـــــــــة : ام ولادى و زوجة
المشاركـــــــــات : 2,114 [+]
الأصـــــدقـــــــــاء : 26
عــدد الـــنقــــــاط : 223
رد: الدورة العبقرية ...علشان تبقى ام ميه ميه ...مع مهندسة سلفية - صاحبة المشاركة njma-monthمهندسة سلفية


فرض الاوامر على الطفل

دة غلط كبير كدة مننا و اساسة هو حب السيطرة و الديكتاتورية .....فكرة انهم صغيرين و احنا الكبار و لااااااااازم يسمعوا كلامنا دى فكرة غلط و بتطلع شخصيات منقادة مالهاش اى شخصية .
و للاسف الوالدين مش مدركين ان الطفل عندة القدرة على الاختيار و الاعتماد على نفسة فى امور كتير



تلاقى الام طول اليوم " كل ....نام ...اقعد ....انا مش قلت لك اعمل كدة ....."
نتيجة الكلام دة ايه بقى حاجة من اتين :
1- يبقى شخصية ضعيفة بيسمع كلام اى حد و يخاف يعبر عن راية
2- يكبر دماغة منك على الاخر و يسيبك تقولى و يعمل نفسة مش سامع

و فى الحالتين نتائج مش كويسة
بس فى حالات لاازم يبقى فيها فرض الاوامر على الطفل و علشان الحالات دى نحاول فى باقى الاحوال اللى لا تستدعى نخلى الامر بالاقناع علشان فرض الاوامر ميفقدش مفعوله

الاحوال التى يجب فيها فرض الاوامر :
1-النوم


2- لو اتعرضت صخة الطفل للخطر
3-لو فى روتين معين بتمشى عليه الاسرة

يبقى لازم يكون للطفل مساحة من الحرية يختار فيها و يحس بنفسة .
يعنى ياكل بطريقتة و يلعب بطريقتة حتى لو طريقتة ادت لبعض الحوادث البسيطة للبيت و تعبتى لتضيفها بس معلش ما هو لازم يتعلم و مع الوقت هيعمل الصح .

طيب لو الطفل عاندك فى امر زى لبسة مثلا او كدة ....متزعليش و تقولى دة وحش و عنيد
لا بصى للامر بوحهة نظرة هو ...انه عايز يحس بشخصيتة و انه هو اللى بيختار
دى شئ ايجابى مش سلبى
متدمريهوش انتى بقى بكلام مدمر ...انت عنيد ...انت مبتسمعش الكلام ...و كلام من دة
لا لو الامر بسيط و مفيهوش خطر عليه عديه و شجعيه و افرحى باختيارة و حسسية انه احلى اختيار فى الدنيا

حتى لو اصر مثلا ينزل بشراب شكل و شراب شكل .....اه و الله ....سيبية و قولى له انها فكرة رووعة

او ممكن انتى تديلة اختيارات يختار ما بينها ...كدة انتى فى حقيقة الامر انتى اللى مختارة بس هو فاكر ان هو اللى بيختار ....فاهمننى .

يبقى الخلاصة
1- نسيب الاولاد يلعبو بطرريقتهم الخاصة و منفرضش عليهم طريقة معينة للعب .
2- اتركى حرية الاختيار للطفل انه يختار وقت اكله و ياكل بنفسة لو عايز حتى لو وقع على الارض و انتى عليكى تنضفى
3-بردة فى اللبس سيبية يحاول يلبس بنفسة الحاجات السهلة .
4-لما تختارى له انتى حاجة مينفعش هو يختار فيها بنفسة حاولى تفهمية سبب اختيارك ليها ايه مش فرضها عليه بالقوة و خلاص يعنى حاولى تقنعية بيها و تحسسية ان هو اللى عايزاها .

رد مع اقتباس
إنشاء موضوع جديد إضافة رد

انتى الان تشاهدى موضوع : {} لموضوع الأصلي : {الدورة العبقرية ...علشان تبقى ام ميه ميه ...مع مهندسة سلفية} ? من قسم : {طفولة وامومة}
الكلمات الدليلة : ...مع, ...علشان, مهندسة, الدورة, العبقرية, تبقي, سلفية

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
علشان انا ماما زهرة البنفسج طفولة وامومة 3 30-06-2019 10:34 PM
اهتمى بنفسك علشان محدش فاضى لك زهرة البنفسج صحة المراة 10 30-06-2019 05:25 AM
علاج ألم الثدي أثناء الدورة الشهرية زهرة البنفسج صحة المراة 2 02-11-2017 04:01 PM
تأخر ميعاد الدورة الشهرية,ما هي أسباب تأخر ميعاد الدورة الشهرية زهرة البنفسج صحة العائلة 6 29-06-2017 10:06 PM
كيف تعدّين ابنتك لاستقبال أول يوم في الدورة الشهرية زهرة البنفسج زهرات حلاوتهم 2 05-03-2017 07:29 PM


جميع المشاركات تمثل وجهة نظر كاتبها وليس وجهة نظر الموقع