رئيسية منتدى حلاوتهم

جديد المنتدى
جديد قسم الحلويات


المواضيع المميزة خصآئص التسجيـل خـواص هامـة رفـع الصـور أقســام عـامة
العودة   منتدي حلاوتهم > > >
قصص - حكايات - روايات قصص وحكايات وروايات ، قصص ، روايات ، حكاوي ، قصة قصيرة ، كان يا مكان ، قصص واقعية ، رومانسية ، خيالية ، قديمة ، الروايات والقصص قصص الوفاء ، قصص مخيفه ، قصص محزنه، قصص الانبياء ، القصص العربية ، قصص واقعيه ، قصص اطفال ، روايات للاطفال ، مكتبة القصص، قصص دينية ، قصص حقيقيه ، قصص مضحكة ، قصص مؤثرة ، روايات طويلة ، روايات قصيره ، قصص طويله ، قصص ، قصص عجيبه ، حب ، روايات عشق ، مواقع قصص ورويات ، قصص ، روايات عتاب ، قصص جميلة ، روايات كاملة
     
إضافة رد  المفضلة
  هاه عايزة ايه اعترفي ؟!
الردود المشاهدات
أدوات الموضوع انواع عرض الموضوع
  رقم المشاركة : ( 1 )
قديم 09-10-2021
الصورة الرمزية الجنة غايتي
الجنة غايتي
.::| مشرفة قسم السنة النبوية|::.
الجنة غايتي غير متواجد حالياً
صاحبة الموضوع
بيانات العضوة
رقـــم العضويـــة : 1943
تــاريخ التسجيـل : Jan 2016
العــــــــمـــــــــر :
الــــــدولـــــــــــة : السعودية
الــــــمدينـــــــــة : الرياض
الحالة الاجتماعية : زوجة
الـــــوظيفـــــــــة : ام لأولادي
المشاركـــــــــات : 835 [+]
الأصـــــدقـــــــــاء : 14
عــدد الـــنقــــــاط : 258
هاه عايزة ايه اعترفي ؟! - صاحبة المشاركة njma-monthالجنة غايتي


هاه عايزة ايه اعترفي ؟!
والدي رحمة الله عليه كان بيحبنا جداً جداً لكنه مكانش بيعرف يجي يقول لواحدة فينا ( بحبك ) ، ولما كنت أجري عليه واقوله أنا بحبك أوي يا بابا كان بيقولي :
( هاه عايزة ايه اعترفي ؟! )
كان فاكر إني بمهد علشان أطلب منه حاجة ، لكني في الحقيقة كنت ببقي عايزة اقوله بحبك وبس مش حاجة تاني !!
في أعياد ميلادنا كان يدينا فلوس علشان نروح نشتري الي ع ذوقنا ، في مرة قعدت أعيط وأقوله :
( نفسي تجبلي هدية حلوة مش تديني فلوس !!)
وبالفعل الراجل راح مشكوراً جابلي چاكت لونه غريب واستايله أغرب ومايتلبسش 🤣🤣..

ولما شفت الچاكت ده اتصدمت ، لقيته ياعيني بيقولي :
( مش قلتلك خدي فلوس هاتي الي ع ذوقك أنا ما بفهمش في حاجات البنات والله )..
ووقتها أدركت أول معني لفكرة ( القدرات )..

إن كل انسان مننا عنده ( قدرات ) مختلفة عن الأخر ، ومش لازم نكون كلنا عندنا نفس القدرات علشان نرتاح مع بعض ، الصح إننا نحترم قدرات بعض ونقدر تعبنا لبعض ..
فيه حد ممكن يكون بيحبك أوي بس مابيعرفش يعبر بالكلام لكن كل أفعاله تثبت ده ، ماينفعش نتهمه بالتقصير أو عدم الحب ، هو قدراته كدة مابيعرفش يعبر !!
وفيه حد تاني بيعبر كويس وبيعافر علشان يقدم حاجة لكن أيده مش طايله ، قدراته كدة بس بيحاول!!
طول ما الي قدامك بيقدم ( قدراته ) وبيحاول مايستخسرش فيك القدرات ديه لازم تقبل عطاءة حتي لو كان مش ع مزاجكك ..

اتخلقنا مختلفين:
فيه مننا الي بيعرف يقدم دعم مادي ، وفيه الي بيعرف يقدم دعم معنوي ، وغيره يقدم دعم نفسي ، والي يقدم ليك وقته ، والي يقدم ليك عقله وأفكاره والي يقدم مادة فقط دون أي مشاعر أخري
كل واحدة عنده ( قدرة ) ما ، هي ديه قدراته وهو ده آخرها ، دورنا بقي إننا نقدر العطاء ده ونشكر الطرف الأخر عليه علشان ما نكدرش ع نفسنا الحياه ولا غيرنا ...
نهاركم تقدير للعطايا 🤗



المصدر : منتدي حلاوتهم - من قسم: قصص - حكايات - روايات





رد مع اقتباس
إنشاء موضوع جديد إضافة رد

انتى الان تشاهدى موضوع : {} لموضوع الأصلي : {هاه عايزة ايه اعترفي ؟!} ? من قسم : {قصص - حكايات - روايات}
الكلمات الدليلة : ايه, اعترفي, عايزة, هاه, ؟!

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
لما كانت أمى عايشة ...... الجنة غايتي مواضيع عامة 0 25-09-2021 02:45 PM


جميع المشاركات تمثل وجهة نظر كاتبها وليس وجهة نظر الموقع