رئيسية منتدى حلاوتهم

جديد المنتدى
جديد قسم الحلويات


المواضيع المميزة خصآئص التسجيـل خـواص هامـة رفـع الصـور أقســام عـامة
العودة   منتدي حلاوتهم > >
صحة المراة مواضيع و مناقشات تهمك لصحتك حيث تهتم بتخصص النساء و الولادة
     
إضافة رد  المفضلة
  نظافتك الشخصيه مهمه جدا بس وقت البيريود أهم
الردود المشاهدات
أدوات الموضوع انواع عرض الموضوع
  رقم المشاركة : ( 1 )
قديم 14-02-2013
الصورة الرمزية فاطمة
فاطمة
♥~{::. حلاوتهم متميزة .::}~♥
فاطمة غير متواجد حالياً
صاحبة الموضوع
بيانات العضوة
رقـــم العضويـــة : 10
تــاريخ التسجيـل : Feb 2013
العــــــــمـــــــــر :
الــــــدولـــــــــــة : مصر
الــــــمدينـــــــــة : القاهرة
الحالة الاجتماعية : بنوتة
الـــــوظيفـــــــــة : لا يوجد
المشاركـــــــــات : 493 [+]
الأصـــــدقـــــــــاء : 14
عــدد الـــنقــــــاط : 68
نظافتك الشخصيه مهمه جدا بس وقت البيريود أهم - صاحبة المشاركة njma-monthفاطمة


نظافتك الشخصيه مهمه جدا بس وقت البيريود أهم


إزيكم يا أحلى حلاوتهم عاملين إيه..؟؟

موضوعي وبإختصار شديد جداا
وعن تجربه شخصيه جدا جدا
هو عن نظافتك الشخصيه وخصوصا وقت البيريود
:
طبعا يا حلاوتهم كلامي ده موجه للكل
لكل بنوته
لكل سيده
ولكل أم عندها بنوته
وكمان لكل بنوته لسه مش عندها البيريود عشان تعرف وتتعلم
:
أولا نظافتك الشخصيه عموما..
كتير جدا مننا وللأسف الشديد يا بنات كانت ماتعرفش اي حاجه عن البيريود ولا عن النظافه الشخصيه ولا عن البلوغ
والمصيبه إن أمهاتنا الطيبين بيتكسفوا قوي إنهم يكلمونا في المواضيع دي
وتبقى زي العار كده نتهامس عليها ..

لازم نعرف كلنا إن البيريود ( الحيض ) دي حاجه طبيعيه ربنا كتبها علينا عشان وظيفه مهمه جدا للرحم فيما بعد وهي الحمل والإنجاب
ولازم كل أم تفهم بنوتتها الأموره يعني إيه بيريود وتتصرف فيها إزاي

أنا بقى هتكلم عن نظافتك الشخصيه وقت البيريود :

طبعا أنا لما جاتلي البيريود أول مره كنت في التويلت وإتخضيت خضه وحشه قوووي
لقيت دم وأنا مش فاهمه ايه ده وجه منين ..؟؟
قعدت اعيط وخرجت جري على أوضتي وكنت مرعوبه ووشي مصفر
ماما لاحظت كده لقيتها بتحضني وبتقولي مبرووك يا حبيبتي إنتي كبرتي

أنا كبرت ..؟؟؟ :



يعني إيه..؟؟
هو أنا عشان بنزف يبقى كده كبرت ..؟؟
سألت ماما : يعني إيه..؟؟
لقيتها إتكسفت كده وقامت عطتني باد ( فوطه صحيه ) وقالتلي البسي دي وتتغير مرتين
وبكره تفهمي
..!!
اللي فهمتني كانت مدرسه الإقتصاد المنزلي لما شرحتلنا بالضبط البلوغ ومراحله والبيريود وكل شيء عنها
ربنا يسامحك ويخليكي ليا يا أمي خجلك كان هيأذيني


بصي ياست البنات:
بمجرد ما جاتلك البيريود .. إنتي بقيتي آنسه ناضجه صالحه إن شاء الله للزواج والحمل
طيب أهتم بنفسي إزاي وقت البيريود ..؟؟

..{. نظافتك الشخصيه .}..

أولا مهم جدااا إنك تزيلي شعر العانه..

مفيش بقى واحده تقول عيب لأ مش دلوقت قبل الفرح
الله يكرمك يابنتي إسمعي الكلام .. لازم لازم شعر العانه يتشال كل 40 يوم أولا لأنها من سنن الفطره
وثانيا عشان الشعر ده بيجيب بلاااااااوي والله وخصوصا وقت البيريود

أقسم بالله أنا كنت هضيع بسببه لأن ماما رفضت تماما إنها تزيلهولي فكان بيسببلي حكه جامده جداااا
والله احيانا ماكنت بنام .. ناهيكي عن العرق والريحه المش ظريفه.. والبكتريا اللي بتنمو في الجزء ده
وسببتلي التهابات فظييعه جداااا

يبقى نشيل الشعر ده بالسويت وياريت لو بنوته يبقى ماما هي اللي تشيلهولك أو تنصحك بأفضل طريقه
ممكن بدل السويت البراون وممكن بقى وده أضعف الإيمان .. مكنه الحلاقه النسائيه

طيب فرضا ماما مش سامحه بكده..
يبقى معاكي مقص صغير نضيف تقصقصي الشعر ده على قد ما تقدري عشان نمنع
1_ نمو البكتريا الضاره
2_ الرائحه الكريهه والتعرق
3_ الحكه

خلاص نظفنا الجزء ده من الشعر الزائد

الخطوه التانيه : التشطيف


يعني إيه..؟؟
يعني إزاي تتشطفي وتغسلي المكان ده كويس
لو سيادتك متزوجه يبقى بغسول زي كلينفا أو سيتال أو غيرهم
لو سيادتك بنوته يفضل بس ماء دافيء ومعلقه صغيره خل ومن بره وبس

ومش يوميا الغسول لأنه بيقتل بعض البكتريا المفيده وبيسبب جفاف المهبل

يبقى هغسل كويس قووي وبصوابعي أنضف التنيات الجلديه الخارجيه لأن بيكون فيها افرازات مش لطيفه
وأتشطف بعد كده بميه دافيه ( ماء جاري ) عشان أزيل أي أثر للخل أو الغسول

فوائد التشطيف:
1_ ازاله اي افرازات
2_ قتل البكتريا الضاره
3_ الانتعاش والراااااااحه
4_ ازاله العرق والخلايا الميته والروائح الغير مستحبه

ثالثا : التنشيف
مهم جداا يكون معاكي فوطه قطن صغنونه



والقطن أفضل حاجه عشان الالتهابات
تنشفي نفسك كويس قووي قووي ( بلاش الكلينيكس )
والفوطه دي بتتغير كل يومين يالكتير قووي عشان ماتنقلش بكتريا
ولازم تكون خاصه بيكي إنتي بس

فوائد التنشيف:
1_ البلل يعتبر بيئه نشطه لنمو البكتريا
2_ عدم حدوث روائح غير مستحبه

البادز ( الفوط الصحيه ) :
أفضل طبعا تستخدمي الفوط الصحيه الجاهزه مش القماش.. أنضف وأسهل وصحيه عن القماش


وأفضل أنواع هي القطنيه منها عشان ماتسببش إلتهابات

أغيرها كام مره..؟؟
بصي ياقلبي المفروض وصحيا تتغير أول يومين ( لما يكون النزيف كتير ) كل 4 ساعات
وباقي الأيام كل 6 ساعات

ليه ..؟؟
1_ لأن الدم الموجود في الفوطه يسبب نشاط البكتريا وممكن يسبب عدوى داخل المهبل والتهابات
2_ الدم ده بيسبب اسمرار المنطقه دي
3_ الفوطه لو ماتغيرتش بعد 6 ساعات الدم ده بيتحلل وبيعمل عفونه وروائح كريهه جدا
4_ التسريب الفوطه تبدأ تسرب وتسبب بقع للملابس واحرااااااج
5_ عدم الراحه
بالظبط بشيهها بالبيبي اللي عمل تويلت ممكن تسيبيه في البامبرز وتقولي هغيرله بكره ...؟؟؟

الملابس الداخليه :
لازم تخصصي لنفسك مجموعه أندرات قطن للبيريود وبس
تلبسيها أيام البيريود
ولازم الأندر يتغير مرتين يوميا

كمان مهم قووي تاخدي شاور يوميا وتعملي الحاجات اللي قولتهالك بالترتيب
الشاور بيحسن الدوره الدمويه ونظافه للجسم كله
وبعدين تحطي مزيل عرق حلو كده وتبقي آخر شياكه
لو بنوته .. مش لازم تحسسي الدنيا بحالها إنك حائض.. لو اهتميتي بنفسك هتحسي بالانتعاش والانطلاق وراحة البااال
ولو بقى انتي ستوته
مش لازم جوزك يحس إنه إسبوع الإهمااااال
لأ إهتمي بجسمك جدا وريحة العرق ونظافه الجزأ ده لأن الزوج بيحس اللي قدامه دي نظيفه ولا ..
ولأن هو ممنوع فقط من الجماع لكن جسمك كله حلال فبلاش تكرهيه يقرب منك في الفتره دي..

أما بقيه الأيام هتعملي كل اللي فات برده عشان تفضلي منتعشه ( تنظيف،تشطيف،تنشيف،تغ يير الأندر أأقل شيء مرتين يوميا)

:

عمرك ماهتشتكي من عدم راحه أو حكه أو ريحه مش لطيفه أو تسريب وهتشعري بإنتعاش وراحه
أنا خلصت كلامي
يااارب أكون أفدتك
وتكوني اتعلمتي مني حاجه
ماتبخليش بدعوه حلوه
:





المصدر : منتدي حلاوتهم - من قسم: صحة المراة






التعديل الأخير تم بواسطة فاطمة ; 14-02-2013 الساعة 06:09 PM
رد مع اقتباس
  رقم المشاركة : ( 2 )
قديم 14-02-2013
الصورة الرمزية ضي القمر
ضي القمر
~{ستار والكل مني غار...}~
ضي القمر غير متواجد حالياً
بيانات العضوة
رقـــم العضويـــة : 9
تــاريخ التسجيـل : Jan 2013
العــــــــمـــــــــر :
الــــــدولـــــــــــة : فى قلب امى الغاليه
الــــــمدينـــــــــة : فى الدنيا
الحالة الاجتماعية : بنوتة
الـــــوظيفـــــــــة : فى خدمة حلاوتهم
المشاركـــــــــات : 2,778 [+]
الأصـــــدقـــــــــاء : 28
عــدد الـــنقــــــاط : 6096
رد: نظافتك الشخصيه مهمه جدا بس وقت البيريود أهم - صاحبة المشاركة njma-monthضي القمر


بارك الله فيكى حبيبتى
ربنا يكرمك ويبارك فيكى



رد مع اقتباس
  رقم المشاركة : ( 3 )
قديم 03-07-2013
الصورة الرمزية نــۈړھ آلـسقاف
نــۈړھ آلـسقاف
♥~{::.عـضوة ذهبية .::}~♥
نــۈړھ آلـسقاف غير متواجد حالياً
بيانات العضوة
رقـــم العضويـــة : 12
تــاريخ التسجيـل : Feb 2013
العــــــــمـــــــــر : 29
الــــــدولـــــــــــة : السعوديه
الــــــمدينـــــــــة : جَدُه
الحالة الاجتماعية : بنوتة
الـــــوظيفـــــــــة : جامعيه
المشاركـــــــــات : 3,498 [+]
الأصـــــدقـــــــــاء : 42
عــدد الـــنقــــــاط : 1075
رد: نظافتك الشخصيه مهمه جدا بس وقت البيريود أهم - صاحبة المشاركة njma-monthنــۈړھ آلـسقاف


سلمت أناملكِ الذهبية عالطرح الرائع
الذي أنار صفحات منتدى حلاوتهم


بكل ماهو جديد لكِ مني أرق وأجمل التحايا
على هذا التألق والأبداع
والذي هو حليفكِ دوما" أن شاء الله



رد مع اقتباس
إنشاء موضوع جديد إضافة رد

انتى الان تشاهدى موضوع : {} لموضوع الأصلي : {نظافتك الشخصيه مهمه جدا بس وقت البيريود أهم} ? من قسم : {صحة المراة}
الكلمات الدليلة : مهمه, البيريود, الشخصيه, نظافتك

أدوات الموضوع
انواع عرض الموضوع

الانتقال السريع


جميع المشاركات تمثل وجهة نظر كاتبها وليس وجهة نظر الموقع