رمضان السنة دي هيكون مختلف جدا يا جماعة

[زهرة البنفسج]

رمضان السنة دي هيكون مختلف جدا يا جماعة ان شاء الله ان عشت وشهدته برحمة ربي :
..هكون اتعلمت شكر النعمة ايا كان حجمها وايا كان انتشرها بين الناس !
هكون ادركت ان الروتين اليومي البسيط اللى بنتمرد ولا زلنا عليه كان حاجة عظيمة جدا بوجود نعمة (الامان) ❤
هكون فهمت ان مفيش ضمانة لاي شيء فى حوزتك الآن ولا مستقبلا ..لاشغلك ..ولا اهلك ..ولا فلوسك ولا ولا ولا ...الخ


هكون فهمت اني "عبد لله" اسمع واطيع كتابه وسنة نبيه لانى لو لفيت الدنيا مش هلاقي منظم للانسانية افضل ابدا (الله نزل أحسن الحديث كتابا متشابها مثاني)
هكون اتعلمت معنى (وهو القاهر فوق عباده) ..هكون اتعلقت جدا باسم الله (الحفيظ -اللطيف- القهار) ❤
معانى قرءانية كتير كنا بنمر عليها مرور الغافل فهمناها لما شوفناها راي عين 😔
فلو خسرت من متاع الدنيا ما خسرت قصاد المعاني دي فانت الرابح باذن الله
ولان رمضان يستحق ..ارمي بذورك في شعبان ..هيء قلبك ❤
قول لقلبك كده وهزه وكلمه (أما آن لهذا القلب الجافي ان يخضع)!!
نضفه من العوالق (تخلية ) عشان لما تدخل فيه القرءان والقيام والذكر تذوق حلاوة ال (تحلية ) فتقبل على الطاعة ما تفترش وتهرب.
رمضان يستحق منك قبل الياميش والزينة والفوانيس انك تزين قلبك وتستعد وتنورله فانوسه وتدخله بنفس المؤمن لا بنفس الغافل !
دي فضفضة بكلم بيها قلبي المتعب قبلكم
#فاستعصم