ليه بجد بتحملي هم تروحي تعزي واحدة في حد مات لها؟ ( أو أي ابتلاء أوجد حزناً)
عشان بتنهاري؟ قلبك بيتصدع مش بتتحملي؟
طيب ومصابها هي؟ مهماااااا وصفتي في تعبك..
هي أتعب منك وألمها مستمر.
ولو من الناس اللي فتحه بابها وتستقبل الناس، تبقه غالباً هتتأثر بالونس جدا.
تركها لوحدها، هو ترك للحزن يأكل قلبها أكلا.
عشان بتروحي تبكي وتنهاري ومبتعرفيش تقولي ايه او تعملي ايه؟
هو مش انترفيو مدارس انترناشونال وهتختبري مانشالله ماقلتي،
قصدي في حاجات تانية غير القولان..😁
يعني مثلا: لو انت في التواصل الجسدي تمام..
ادخلي عليها وخديها في حضنك متسيبهاش غير لما يوصلها دفئك وتعازيك لها، طبطبي على ظهرها بحنان واهمسي في أذنها بدعوات كتير لها وللميت ( بتريح أي حد الدعوات دي).
لو انت التواصل الجسدي بعافية، شيلي، حطي، نظفي، نظمي، أكليها، هاتيلها أكل لو مفيش، خدي بالك من احتياجتها الشخصية.
بجد معظم أهل الابتلاء ده بيكونوا مهدودين، كارهين الدنيا، تحليقك حواليها بالمساعدة بيفرق جدا.
أنا ذكرت أهم أمرين ومابينهم فتوحات كتيرة يفتحها الله على من يشاء من عباده.
زي أخت ربنا يذكرها بالخير يوم وفاة والدتي وضعت في يدي في المسجد يوم صلاة الجنازة كيس صغير ممتلئ ولم أعتني حتى بفحص مافيه من فرط حزني.
ولما روحت والناس مشوا آخر الليل فتحته وجدت فيه مالذ وطاب من الشيكولاته 😍
حركة عملتلي صدمة، لكن الأعجب إنها كانت ذا أثر عجيب.
تجميع بسملة وختام خاص لحلاوتهم لكل الأقسام
الجنة غايتي
العرض العادي
