أبل ماانام فى حاجات لازم اعملها
أبل ما نام فى حاجات لازم اعملها
بس هوس يابت انتى وهى ايه جايين هنا نرقص
احنا ولا جايين نتعلم ونستفيد بلا
رقص ومسخره
غيب عيب عيب
ازيكوا يا حلوين عاملين ايه
بقالى كتيير ماكتبتش فى القسم ده
بس فى موقف افتكرته كده حصل من فتره
وعجبنى وده خلانى اكتب الموضوع ده
ايه هو الموقف يابنات
الموقف ان فى يوم كانت الساعه 6 الصبح ولاقيت الجرس ترن ترن على الباب جريت انا حسبو بسرعه نشوف مين مش بالعاده حد بيرن فى الوقت ده
المهم فتحنا لاقيت البت برنجانه سلفتى شايله ابنها تعبان على الاخر والواد مش قادر يأخد نفسه
وهتموت من العياط وجوزها مش موجود كان مسافر فى اليوم ده وعنده شغل
المهم يابنات حسبو قال نروح المستشفى بس هى قالت لاء جوزها اتصل بالدكتور وقاله انا فى البيت ومستنيكو
نزلنا وروحنا البيت عند الدكتور اقسم بالله اول ما دخلت الشقه
مش ممكن الشقه بتبرق من النضافه والريحه الحلوه
كل حاجه ميه ميه كل حاجه مكانها الريموت بتاع التلفزيون جنب ريموت الريسفر بالملى
التلفزيون نفسه بيبرق كأنه جديد الانتريه متظبط كأن محدش بيقعد عليه السفره المفرش بتاع متظبط لا شمال ولا يمين
تحسى ان مفيش أطفال فى البيت مع ان عندها ماشاء الله 3 اكبرهم 6 سنيين
مع العلم يا بنات ان الشقه مش كبييره معقوله وتشطيبها عادى جدا وكمان الموبيليا يعنى بالعربى كده مفيهاش الحاجه اللى تخليكى تنبهرى بس نضافة الشقه هى اللى تشدك وتخليكى تعملى كده
انا بقول الكلام ده علشان كلنا نغير ونتعلم
لانك مش ضامنه ظروفك ايه مش ضامنه ايه ممكن يحصل
وعلشان كده لو جربت موضوع انك تلفى
ساعه بليل فى الشقه
هتحسى براحه نفسيه وكمان هتصحى من النوم الصبح وانتى رايقه ان فى بند اتشال من عليكى
وتحت اى ظرف من الظروف قومتى بقى من النوم تعبانه راحت عليكى نومه حد الصبح فكر يزورك
حصل ظرف طارىء واضطريت تخرجى الصبح ومقدرتيش تعملى حاجه هيبقى على الاقل بالك رايق ومتطمنه ان الامور تمام
وحتى لو رجعت متأخره فالاساسيات معموله ومفيش قلق
ندخل بقى فى الموضوع علشان انا مابحبش كتر الكلام والكلوك الكتير انتو عارفين
اولا
يا حلوه اول ما العيال يناموا اخرى نفسك
ساعه مش مشكله
هتاخدى من الساعه دى نص
ساعه وده بقى للزغلول الكبير اللى هو المطبخ
خلصيه كله متخليش فيه الهوا لان ده الهم الكبير ولما بيخلص كأن حمل على الواحد وانزاح عارفين يا بنات انا جوزى الصبح بيفطر نفسه فعلشان بيلاقى المطبخ الحمد لله على طول نضيف فاللى بيستخدمه بيغسله ويرجعه مكانه بيكسف يسيب حاحه مش نضيفه بس على فكره ده حصل بعد معاناه وصبر والله ما كان بيهمه حاجه وده
لان عينه خدت على نضافة المطبخ على طول
ثانيا
الريسبشن هيأخد بالظبط 10 دقايق تظبيط وترويق يعنى هتظبطى الشلت والكنب والكراسى تلمى لو فيه ورقه واقعه ولا حاجه تظبطى المفارش والفازات والطفايات وبالريشه كده على السريع
هيبقى ميه ميه
ثالثااللفينج
طبعا ده بيكون مزبلة البيت لان القعده كلها فيه وتقريبا معظم اليوم كلنا بنبقى فيه وده هيأخد برضو 10 دقايق
ترويق وكنس بالمكنسه او بالمقشه زى ما تحبى
رابعا الحمام
وده مش هيأخد منك اكتر من 5 دقايق تغسلى التواليت والحوض وتدلئى شوية ميه على الارض وتمسيحيهم بالمساحه وكده كله بقى تمام وننام وبالنا مستريح
واى طوارىء تحصل احنا جاهزين
فاضل 5 دقايق وده يا حلوه خاتيهم اول ما دخلتى الحمام قبل أما تبدائى شغل فيهم وانت بتعملى ايئئححححح
ما هو انتى طبعا لازم تعملى كده فى الاول مش بعد ما ننضف الحمام تفكرى فى الموضوع لاء خلصى انتى الاول وشدي
الفيسون وبعدين اشتغلى
يالا سلام
اه لوسمحت وانتى نازله خدى ال لاء مش الباب
التقييم فى ايدك
وألا
تجميع بسملة وختام خاص لحلاوتهم لكل الأقسام
زهرة البنفسج
ممتاز
العرض العادي
