رئيسية منتدى حلاوتهم

جديد المنتدى
جديد قسم الحلويات


المواضيع المميزة خصآئص التسجيـل خـواص هامـة رفـع الصـور أقســام عـامة
العودة   منتدي حلاوتهم > > >
حلويات شرقية وغربية طرق عمل الحلويات الشرقية والغربية من الكيك والتورتة والجاتوة من جميع انحاء العالم والدول العربية, حلويات مثلجة و حلويات لبنانية و شامية و مصرية و حلويات خليجية.
     
إضافة رد  المفضلة
  طريقة عمل بسكوت العيد بكيس الحلواني, معمول التمر السعودي بالدقيق الاسمر
الردود المشاهدات
أدوات الموضوع انواع عرض الموضوع
  رقم المشاركة : ( 1 )
قديم 26-07-2014
الصورة الرمزية زهرة البنفسج
زهرة البنفسج شخصيه هامه
♥~{::.عـضوة ذهبية .::}~♥
‏سبحان الله وبحمده
زهرة البنفسج غير متواجد حالياً
صاحبة الموضوع
بيانات العضوة
رقـــم العضويـــة : 25
تــاريخ التسجيـل : Feb 2013
العــــــــمـــــــــر :
الــــــدولـــــــــــة : مصر
الــــــمدينـــــــــة : القاهرة
الحالة الاجتماعية : متزوجة
الـــــوظيفـــــــــة : مساعدة الاخرين
المشاركـــــــــات : 22,306 [+]
الأصـــــدقـــــــــاء : 103
عــدد الـــنقــــــاط : 9282
طريقة عمل بسكوت العيد بكيس الحلواني, معمول التمر السعودي بالدقيق الاسمر - صاحبة المشاركة njma-monthزهرة البنفسج


طريقة عمل بسكوت العيد بكيس الحلواني, معمول التمر السعودي بالدقيق الاسمر


السلام عليكم ورحمة الله وبركاته
ازيكوا اخواتي الغاليات
يارب تكونوا بالف خييير وصحة وسعادة ورضا من الله
ان شاء الله
ويارب يبلغنا ليلة القدر اللهم آآآمين

وكل سنة وانتوا طيبين وبااالف خييير
وعييد سعييد عليكم ان شاء الله
النهاردة حبيباتي موضوعنا عن
بسكوت العيد بكيس الحلواني
ومعمول حلواني اخوان بالدقيق الاسمر بدون سميد





وبسم الله نبدأ مع بسكوت العيد بكيس الحلواني
وميزته انه سهل اوووي ونقدر نعمله ان شاء الله
حتى قبل العيد بيوم مش بياخد وقت خاااالص
بفضل الله وبيبقى مقرمش بنعومة جمييييلة
وبيحافظ على نقشته بالفرن زي البسكوت اللي بنشتريه
ان شاء الله
بسم الله مقادير بسكوت العيد بكيس الحلواااني
3 و 1 /2 كوب دقيق منخووول
مع معلقة ونص صغيرة بكينج بودر
كوب سمنة + معلقتين كبااار سمنة
3 بيضات كبااااار - ربع معلقة صغيرة ملح
3 /4 كوب سكر بودرة
معلقة كبيرة بشر برتقاااال
معلقتين كباااار مية ندوب فيهم
معلقة كبيرة بودرة تانج بالبرتقال
و لو حابين البسكوت عادي بالفانيلا بسس
بدون برتقال
نحط المية بسسس مع فانيلا
بدون بودرة تانج بالبرتقال وبدون بشر البرتقال


ولو حابين البسكوت بنكهة جوز الهند
نحط المية مع معلقتين كبااار جوز هند نااااعم
و5 نقط من ريحة جوز الهند السااايلة من عند العطار

بسم الله الطريقة السهلة اوووي




نسمي الله ونحط في حلة السمنة زي كده مع ربع معلقة صغيرة ملح
ونخفق بالمضرب لمدة 5 دقايق لغاية مااا تنفش السمنة وتبيض زي الصورة



ونحط السكر البودرة ونخفق دقيقتين بسس عشان يندمج



وده شكل السمنة مع السكر بعد ماخفقنااهم وبقوا كريمة ونااافشين



ونحط البيض كله زي كده ونخفق بالمضرب برده لمدة دقيقتين





وبعد ماخفقنا البيض مع السكر والسمنة بيبقى الخليط نافش وكريمي وناعم اوووي




ونسمي الله ونحط الدقيق المنخوول مع البكينج بودر ونعجن بايدينا دقيقتين كده
لغاية ماااا كل الدقيق يتشرب السمنة




وبعد العجن بتكون العجينة لذيييذة وطرية اوووي



وآآآخر حاجة ندوب بودرة تانج البرتقال في المية
ونحط بشر البرتقال برده عاالعجينة ونعجن دقيقة او اقل عشان تتشرب العجينة العصير



وده شكل عجينة البسكوت طرية ولونها جمييل اووي من البرتقال



ندهن الصواااني بزيت ونحط العجينة بكيس حلواااني بلاستيك زي الصورة




وطبعا حبيباااتي قمع بسكوت العييد بيكون منقرش من ناحية مزجزج يعني
ومن الناحية التانية ساااادة والعجينة سهلة اووي بالتشكيل
ومش بتتعب الايد واحنا بنضغط على كيس الحلواني وبتنزل بكل يسر وسهولة
ويارب كل ايامكم يسر وسهولة ان شاء الله




ونقطع اصابع بسكوت العييييد في الصينية ولما نوصل للطول الي بنحبه
نقطع بالسكينة عند نهاية الطوول اللي عايزينه زي الصورة



وهكذاااا لغاية مااا نخلص كل المقدااار ان شاء الله
وبشر البرتقال باين في البسكوت وهيدي طعم تحححفة بفضل الله



والنص كيلو بسكوت بيعمل كمية رهييييبة ماشاء الله
يعين عمل 6 صواااني زي اللي في الصورة

ولما نخلص تقطيع كل البسكوت
نشغل الفرن يسخن 10 دقااايق كده
وندخل البسكوت فرن حرارة هادية 160 الى 170 لمدة عشر دقاااااايق
مش بياخد وقت ابدااا بفضل الله



ونحط صنيتين تحت على صاااجة الفرن وصينيتن فوووق عالرف الاوسط زي الصورة
ولما تستوي الصواني اللي تحت ويبقى قاعدة البسكوت لونها دهبي
نبدل الصواني اللي تحت نطلعها فووووق واللي فووق ننزلهم تحت عشان ياخدوا لون دهبي
برده من قاعدتهم لمدة عشر دقايق
ولما كل البسكوت يبقى لونه دهبي من تحت
نشغل الشواية على كل صينتين تحت الشوااية
عشان البسكوت يبقى لونه دهبي جمييييل
ولما يستوي نطلعه من الفرن ونسيبه يهدى ربع ساعة
ونشيله من الصوااني ونرصه في اي صينية كبيييرة



ودي لما الصينية استوت قاعدة البسكوت وبقت دهبي من تحت زي كده
نطلع الصينة دي فوووق وننزل الصواني الي على الرف الاوسط للصاج تحت
عشان تاخد لوون دهبي هيا كمااان
يتبع



المصدر : منتدي حلاوتهم - من قسم: حلويات شرقية وغربية





رد مع اقتباس
  رقم المشاركة : ( 2 )
قديم 26-07-2014
الصورة الرمزية زهرة البنفسج
زهرة البنفسج شخصيه هامه
♥~{::.عـضوة ذهبية .::}~♥
‏سبحان الله وبحمده
زهرة البنفسج غير متواجد حالياً
صاحبة الموضوع
بيانات العضوة
رقـــم العضويـــة : 25
تــاريخ التسجيـل : Feb 2013
العــــــــمـــــــــر :
الــــــدولـــــــــــة : مصر
الــــــمدينـــــــــة : القاهرة
الحالة الاجتماعية : متزوجة
الـــــوظيفـــــــــة : مساعدة الاخرين
المشاركـــــــــات : 22,306 [+]
الأصـــــدقـــــــــاء : 103
عــدد الـــنقــــــاط : 9282
رد: طريقة عمل بسكوت العيد بكيس الحلواني, معمول التمر السعودي بالدقيق الاسمر - صاحبة المشاركة njma-monthزهرة البنفسج


بسم الله نكمل


وبسم الله نبدأ طريقة المعمول السعودي بالدقيق الاسمر
بدون سميييد
وهو اصوله بالدقيق الاسمر
وهو معمول لذييييذ اووي وطعمه مميز
وكماااان فيه الياااف لانه بيتعمل بالدقيق الاسمر
وطبعا حبيباتي ممكن نعمله كله بالدقيق الابيض العااااااادي
بدون دقيق اسمر خااااااالص
لو مش بنحب طعم الدقيق الاسمر
او مش متعودين على طعمه
بس قبل مااكمل دي الكوباية اللي عايرت بيها الدقيق
والسمنة باننا نوصل الدقيق لحافة الكوب ونمسح الدقيق الزاايد بسكينة عشان يتساوى السطح ويبقى املس




ومعايرها نفس معيار الاكواب المعيارية بالضبط
واشكر الغالية مراميرو لاني استعرت صورة المج
من موضوعاتها الرااائعة يارب يكرمها ويسعدها


بسم الله مقادير المعمول السعودي
كوبين دقيق اسمر (دقيق بلدي )بالنخالة
كوبين دقيق عاااادي ابيض
يعني الحصيلة 4 كوب دقيق
كوب ونص سمنة - 3 ملاعق كبيرة قشطة
معلقة كبيرة سكر - ربع معلقة صغيرة ملح
معلقتين كبااار حليب بودرة - معلقتين كبااار جوز هند نااااااعم
معلقتين صغيرين خميرة
ندوبها في 4 ملاعق صغيرة مية ومعلقة صغيرة سكر
ربع معلقة صغيرة بكينج بودر
معلقتين كبااااار حليب سااااايل للعجن
و5 نقط من روح الموز السااايلة او روح الورد من عند العطااار
أو ربع معلقة صغيرة قرفة
أو ربع معلقة صغيرة حبهاااان ( هيل مطحووون )


ولو مش عندنا الدقيق الاسمر او لو مش حابين نشتريه
نعمل الآآآآآآآآتي
نعاير كوب وربع دقيق عااادي ابيض
وكوب وربع رّدة نااااعمة ( نـُخــاااالة )
ونطحنهم في الكبة او بالفودر بروسيسور مع بعض
وبكده يكون عندنا دقيق اسمر بدون ماااانشتريه
وناخد من الدقيق الاسمر المطحون ده
كوبين دقيق اسمر عشان مقادير المعموووول بكله سهولة
لو حااابين نعمل المعمول بالدقيق الاسمر
ولو مش حابين معمول بالدقيق الاسمر
نعاير كل المقدااار دقيق ابيض
ونكمل المقادير والطريقة عاااادي
بدون اي اختلاااف ان شاء الله

الحشوة
كوب ونص عجوة مفرومة
نعجنها مع معلقتين كباااار زبدة طرية
ومعلقة صغيرة قرفة
ومعلقة كبيرة سمسم

وبسم الله نبدأ الطريقة بالصور



اول حاجة نسمي الله وندوب الخميرة مع السكر والمية
وندخلها الفرن مطفي عشاااان تتفاااااعل

اول حاجة نحط الدقيق الاسمر في حلة ستنالس


وعليه نحط الدقيق الابيض ونقلب بالمعلقة كويس اوووي
عشان نوعين الدقيق يختلطوا مع بعض
ونسيبهم جنبنا في المطبخ





ونحط السمنة في حلة على نار عالية
لمدة 6 دقايق بالضبط ان شاء الله
عشان تقدح هتسيح في الاول
وبعدين هتسخن اوووي وتقدح ونعرف
انها قدحت بمجرد مااا نحط فيها سمستين مثلا
هنلاقي السمسم ينزل لتحت ويطلع لفوووق بسرعة اووي
ويحمّر بسرعة اووووي ويطرقع ويعمل صوت عااالي بنفس الوقت زي الصورة
بكده السمنة تكون قدحت بفضل الله

ونسمي الله ونصب السمنة المقدوحة
على الدقيق في الحلة على مرتين ونشوف آآآد ايه
السمنة بتغلي وتفور
يارب يجرنا من النار ان شاء الله


والسمن لسسة بتغلي على الدقيق
نقلب بمعلقة ستنالس تقيييلة زي كده
ونقلب كل الدقيق المختفي في الجوانب
عشان كل الدقيق في كل حتة يتشرب السمنة
ويكون كل الدقيق لونه عسلي فاااتح


ونبس الدقيق بالسمنة بظهر المعلقة
من كل الجوااانب زي الصورة وفي كل اتجاهات الدقيق


ولما نتأكد ان كل الدقيق بقى لونه عسلي من السمنة


وكله اتشرب السمنة المقدوحة
نبتدي نبس الدقيق بالسمنة بظهر المعلقة زي الصورة
يعني نضغط بظهر المعلقة بقوة عالدقيق لمدة 5 دقايق كده
والبّس مفيييد اوووي واساسي بالكحك والمعمول لانه بيخلي الدقيق يتشرب كل السمنة
وبالتالي لما الدقيق يتشرب السمنة
هنلاقي المعمول هيطلع ناااعم ويدووب في الفم
ان شاء الله
ودلوقتي نسيب الحلة تبرد خااالص
تحت المروحة مثلا لمدة ساااعة
ولما تبرد نحط الخميرة
لاننا لو حطينا الخميرة والعجينة سخنة
الخميرة هتموت ومش هتتفاعل ابداااا

ولما بردت العجينة نحط بقى الخميرة والقشطة والحليب البودرة وجوز الهند والسكر والملح
والحليب الساااايل ونقط روح الموز
او بدلها نحط القرفة او لو مش بنحب القرفة
نحط ربع معلقة صغيرة حبهان


ونعجن المعمول مع كل المكونات دي كويس
اوووي بايدينا لمدة دقيقتين كده


وده شكل عجينة المعمول بعد ماعجناها طرية وجمييلة اوووي
وطبعا لون العجينة بني فااتح زي الصورة
لانه بالدقيق االاسمر ( الدقيق الكامل بالرّدة )
وطبعا حبيباتي نقدر نعمل كل مقدااار المعمول بالدقيق الابيض
بدون دقيق اسمر ونحذفه خااالص من المقادير
لانه فيه كتييير منا مش بيحب طعم الدقيق الاسمر ابدااا
وهيكون لون العجينة فااااااتح مش غامق


وآخر حاجة نعجن العجوة مع الزبدة والسمسم
والقرفة في طبق زي كده
ونروح نحشي المعمول الجمييل بفضل الله

وبسم الله نبدأ تشكيل المعمول
ناخد قطعة عجين قد عجين الجمل بقشره
ونكور كورة ملساااء زي الصورة


ونحط فيها كورة عجوة متوسطة
بحيث مش تكون كبيرة اوووي ولا صغيرة اووي
لان لو كترنا الحشوة بالمعمول العجوة هتطلع من المعمول في الفرن وتتحرق فااا خير الامور الوسط


ونقفل كورة المعمول عالعجوة زي كده
ونكور العجينة بين راحة ايدينا عشان تكون كورة ملسااء
وناعمة بدون اي فتحة فيها

ونبطط كورة العجين في الاشكال الجاهزة بتاعة المعمول


ونضغط عالشكل من فووووق عشان تنزل العجينة

ونسحب العجينة من الشكل برفق زي الصورة
وهتطلع معانا بكل سهوولة ان شاء الله


ونرص المعمولات كل واحدة جنب اختها
في صينية مش مدهونة زي كده
ونكمل تشكيل المعمول على خيرة الله
مش بياخد وقت خااالص
منقول



رد مع اقتباس
  رقم المشاركة : ( 3 )
قديم 26-07-2014
الصورة الرمزية قلبى ملك ربى
قلبى ملك ربى شخصيه هامه
♥~{::مبروووك الالفية الرابعة::}~♥
قلبى ملك ربى غير متواجد حالياً
بيانات العضوة
رقـــم العضويـــة : 382
تــاريخ التسجيـل : Dec 2013
العــــــــمـــــــــر : 33
الــــــدولـــــــــــة : ام الدنيا
الــــــمدينـــــــــة : مصر
الحالة الاجتماعية : بنوتة
الـــــوظيفـــــــــة :
المشاركـــــــــات : 4,438 [+]
الأصـــــدقـــــــــاء : 20
عــدد الـــنقــــــاط : 6286
رد: طريقة عمل بسكوت العيد بكيس الحلواني, معمول التمر السعودي بالدقيق الاسمر - صاحبة المشاركة njma-monthقلبى ملك ربى


طريقه حلوه اوووووووووى


موضوع في قمة الجمال
وأضاء بجماله أرجاء المكان
فجزاكي الله خيرا


رد مع اقتباس
  رقم المشاركة : ( 4 )
قديم 09-08-2014
لهفتي
![بنــوتــة جــديــدة]!
لهفتي غير متواجد حالياً
بيانات العضوة
رقـــم العضويـــة : 452
تــاريخ التسجيـل : Jan 2014
العــــــــمـــــــــر : 36
الــــــدولـــــــــــة : السعودية
الــــــمدينـــــــــة : مكه
الحالة الاجتماعية : متزوجة
الـــــوظيفـــــــــة : ......
المشاركـــــــــات : 24 [+]
الأصـــــدقـــــــــاء : 0
عــدد الـــنقــــــاط : 10
رد: طريقة عمل بسكوت العيد بكيس الحلواني, معمول التمر السعودي بالدقيق الاسمر - صاحبة المشاركة njma-monthلهفتي


يعطيك العافيه

رد مع اقتباس
  رقم المشاركة : ( 5 )
قديم 24-09-2014
الصورة الرمزية اسينات
اسينات
.::| مشرفة سابقه |::.
اسينات غير متواجد حالياً
بيانات العضوة
رقـــم العضويـــة : 64
تــاريخ التسجيـل : Apr 2013
العــــــــمـــــــــر :
الــــــدولـــــــــــة : Egypt
الــــــمدينـــــــــة : Aswan
الحالة الاجتماعية : I Don't Kn
الـــــوظيفـــــــــة : Life is Hard
المشاركـــــــــات : 4,114 [+]
الأصـــــدقـــــــــاء : 56
عــدد الـــنقــــــاط : 2564
رد: طريقة عمل بسكوت العيد بكيس الحلواني, معمول التمر السعودي بالدقيق الاسمر - صاحبة المشاركة njma-monthاسينات



رد مع اقتباس
إنشاء موضوع جديد إضافة رد

انتى الان تشاهدى موضوع : {} لموضوع الأصلي : {طريقة عمل بسكوت العيد بكيس الحلواني, معمول التمر السعودي بالدقيق الاسمر} ? من قسم : {حلويات شرقية وغربية}
الكلمات الدليلة : معمول, الاسمر, التمر, الحلواني, السعودى, العيد, بالدقيق, بسكوت, تكيس, عمل, طريقة

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
(98) الإعجاز الرقمي في سورة يس عطر الزهور المنتدي الاسلامى 2 06-03-2017 04:53 PM


جميع المشاركات تمثل وجهة نظر كاتبها وليس وجهة نظر الموقع