عايزه تخلفى ليه .. دى ممكن تكون أنانيه حضرتك

**جيجى** · رقم المشاركة : ( 1 ) 17-03-2014

.. , ممكن , ليه , أنانيه , تخلفى , تكون , حد , حضرتك , عايزه

عايزه تخلفى ليه .. دى ممكن تكون أنانيه حضرتك

يا جماعه احنا كلنا بنشتكى من أشخاص كتير غير أسوياء فى المجتمع بمعنى انهم بيعملوا حاجات كتير اوووى غلط منافيه للفطره والصواب ونسبتهم كبيره اووووووى وعشان كدا الواحد بيبقى على طول متعجب وعمال يضرب أخماس على أسداس من اللى بيشوفه من الناس ..!

طب احنا ليه ما سألناش نفسنا ده من ايه ..!!

كل أم اما ولادها بيبدأوا يكبروا فى السن بتكتشف ان حياتهم ومشاكلهم عماله تتلعبك اووى وانها مش لاقيه نفسها ما بينهم .. تفتكروا ده طبيعى ان الدنيا معقده اوى كدا !!! .. أعتقد ان الدنيا احنا اللى بنعقدها بأخطائنا .. ده رأيى اللى حابه اناقشكوا فيه

تعامل الأمهات ربنا يكرمهم يا رب مع أطفالهم فى الصغر دلوقتى بقى عباره عن حب وعطف وحنان مادى !! وده مش بأيدهم ومش قصد للأذى منهم وانما هى ثقافه متوارثه نابعه من انصراف أمة اقرأ عن القراءه عن أمور دينهم ودنياهم ..!!!

كل واحده نفسها تتجوز وتشيل ابنها بين ايديها .. اول ما ربنا بيكرمها بتبقى أسعد واحده فى الدنيا لأن فطرة الأمومه من الفطرات القويه جدااا اللى عند البنات كلهم ..

طيب وبعد ما شلتيه وفرحتى بيه .. دوخك سنه واتنين عياط وزن وعلى اد تعبك بس كنتى على طول تاخديه فى حضنك وتطبطبى عليه عشان هو ما بيهداش غير كدا .. طب ويعد ما عدا سنتين تلاته اربعه .. خدتيه فى حضنك تانى !!!!!!!!!!!!!!!!!!!! !!!!!!!!!!!!!!!!!!!! !!!

بنسبة 95% مثلا من مجتمعنا ما داقوش طعم حضن اهلهم أما وعيوا وبدأوا يدركوا فى عمر الـ 3 سنين او اربع سنين تقريبا .. طب ده يرضى مين !!!!

أفتكرى انه كان قبل كدا ما بيهداش ويرتاح غير اما بتقربى منه .. طب ودلوقتى هو كبر على كدا !!! .. ما كبرش ولا حاجه وبردو مش جماد وما بيحسش .. بالعكس ده بأه كائن ذكى جداااااا عمال يلقط ويسجل كل حاجه عن العالم اللى هو لسه جديد فيه .. دبة النمله بتكونله فكره متاّصله جواه ..

بس ما بيتكلمش كتير .. عشان ممكن اما يقول فكره هو خدها عن حاجه ومش عارف هى صح ولا غلط .. لو طلعت غلط انتى بتنهريه وبتزعقيله جامد جداااا كأنه شخص بالغ وفاهم كل حاجه والمفروض ما تطلعش منه حاجه زى كدا !!!! ..

اما بيقولك اانه خايف من حاجه بتستهترى بيه وتقوليله مفيش حاجه تخوف وما تنتبهيش للحاجه اللى ممكن تسببله أزمه وانتى ولا على بالك شيفاه بيتكلم وبيلعب يبقى زى الفل !!! ..

ام بتبقى فى اى قاعده فيها ناس غرب قرايب أصدقاء أى حاجه بتتعاملى معاه على انه عديم الأحساس ممكن تهزأسه قدامهم تستهترى بيه تصغرى منه تتريأى عليه تحكى حاجه عملها تضحكى الناس عليه كبار وصغيرين عشان شايفه انه عيل .. تفتكرى ان كل دا هو محسش بكره لنفسه ولا فى بعض الاحيان بكره لمعاملتك واللى ممكن توصل لكره ليكى بيحس بيه فى اوقات كتيره ..

ده كله كوووووووووووووووم والضرب بقى اللى من سن تلات سنين او أقل دا كوم !!!!!!!!!!!!!!! ابنك لحمك ودمك ضناكى تقطعى جتته من الضرب عشان غلط غلطه عبيطه نرفزتك عشان انتى مشغوله ومش فضياله او مش فى المود او عندك مشاكل كتير !!!! ازاى !!! فين الرحمه اللى فى قلوبنا !!!!

هو ذنبه ايه فى كل دا !!!!! انك كان نفسك تحسى بالأمومه وتطمنى انك قادره على الانجاب!! هى دى الأنانيه اللى بتكلم عنها كنتى هتتهبلى عليه ولما ربنا اداهولك وهو نعمه كبيييييييييييييييره اووووووووووووووووووو ووووى شايفه بتعملى فى النعمه دى ايه !!! حاسه بنفسك !!!!
:00012 :

تيجى فى المقابل تلاقى انك طبعاااااااااااا بتحبيه بس بتعبرى غلط وعشان كدا ما بتأخريش عنه حاجه نفسه فى لبس اتفضل فلوس اتفضل لعب اتفضل نفسه يروح مش عارفه فين ممكن توديه حاضر حاضر حاضر فى الحاجات الماديه .. طب فين الحاجات المعنويه !!! ده طفل محروم من كل حاجه بس مامته وباباه حواليه محواطينه ومهتمين بيه أسعد مليون مره من طفل كبر فى عز وفلوس وهنا

للأسف كل المشاكل النفسيه دى بتبدأ تبان كل ما بيكبر ويلاقى ثقته فى نفسه مهزوزه ومش عارف يواجه المجتمع .. (((هنا بأه أسمحيلى أتكلم عن كل النماذج اللى بتشتكى منها وتعباكى فى المجتمع واللى ممكن يكون فى يوم من الايام ابنك منها من غير ما تحسى))) ..

اما بيلغط بيتلام ويتبهدل واما بيعمل حاجه ما بيتقالوش كلمه حلوه عليها .. فى اللى هيفضل انطوائى ومعزول ومتهان من الناس كلها ومن جواه سكاكين بتقطع فيه

وفى اللى بيحب يخرج من اللى هو فيه بس طبعا بيخرج غلط عشان مفيش اى توجيه كل التوجيهات ماديه وبس ..

ممكن يمشى فى شله اى كلام عشان يحاول يثبت نفسه

يعمل اى غلط وحرام عشان يثبت انه راجل

يدمن اى حاجه عشان ينسى ويكبر

يلعب بالبنات لعب عشان يحس بالقوه على حساب ضعفهم

فى اللى بيقع فى مشاكل كتير اوى من كتر سذاجته وبيبتبهدل منها ودى بتبأه دروس من ربنا ليه عشان يعلمه لأنك ما علمتيهوش حاجه .. طب ليه يتعلم بالأذى لما ممكن انتى تعلميه من الأول يبقى شخص سوى مستقر نفسيا وفكريا واثق من نفسه عارف الصح من الغلط عارف هو جاى الدنيا ليه وايه المطلوب منه ..

اللى مش محتاجه الشغل وبتجرى عليها لمجرد انها بتحب الخروج ومبهدله عيالها معاها منتهى الاهمال وفى غيرها هيموتوا على ضفرهم ..

اللى عندها مشاكل مع اهل جوزها وبتتعجب من اسلوبهم واصلا سبب العجب اللى فيه ده تربيه خطأ بردو !!! ..
ومن كتر همها نازله هرى وضرب فى جتت العيال عشان محتاجينها وهى غرقانه فى مشاكلها ..

اللى ما تعرفش اى حاجه اى حاجه عن حياة ولادها الشخصيه وتيجى تتخض وتتفاجأ اما تقرأ كلام ما يعلم بيه الا ربنا عن تفتح عيون الأطفال على ***** من سن صغير جدا والبلاوى اللى بيشوفوها واللى بتتعمل فى المدارس .. مستغربه ليه انتى عمرك سألتى ابنك انت بتفكر فى ايه ولا بتعمل ايه فى المدرسه ولا أصحابك بيتكلموا معاك فى وبيعملولك ايه .. لأ طبعا عشان مفيش وقت !!!! ..

:00012 :

بصوا يا جماعه احنا ديننا دين عظيم أوى الرسول صلى الله عليه وسلم كان خير مثال فى كل حاجه ومنها التربيه نفسى تعدوا تقرأوا عن الدين شوفوا اى مقاطع فيديو عن التربيه الصحيحه أرحموا من فى الأرض يرحمكم من فى السماء .. من الأول كدا معروف ان الدنيا فيها مشاكل وبلاءات كتير لو المشاكل دى هتخليكى تعاملى ولادك بالأسلوب ده يبقى مالهوش لازمه تتجوزى وتخلفى لمجرد انك نفسى تحسى بالأمومه لأن دى انانيه واهمال انك تبقى أم لطفل مالكيش اى علاقه بيه غير علاقه ماديه وبس وتجيبيه الدنيا عشان يتعذب وبس !!!

وكلامى مش خاص لحد بعينه عشن محدش ياخد الكلام على نفسه ويرد رد متعصب الكلام عام جدا جدا جدا فى أمتنا العربيه كلها للأسف .. بس أكيد فى المقابل نماذج مشرفه وان كانت قليله جدااا

واخر حاجه عايزه أقولها ..

ان مش معنى ان ابنك بتشوفيه ساعات بيضحك ويهزر او انه بيمارس نشاطات كتير عاديه انه من جواه مبسوط بنفسه او بادائه فى كل حاجه

ومش معنى انه يشتكيلك من حاجه اما يبقى بدأ يكبر شويه وتقوليله فيها كلمتين على اساس انها مش مشكله وما تفيديهوش فى حاجه وتشوفيه بعديها عادى وبيتعايش يبقى المشكله دى مش هارياه تفكير ومش مفارقاه وان مش ممكن يلجأ لحد غريب يضيعه فيها !!!

وأفتكرى انك دلوقتى قويه وهو ضعيف .. بكره هتكبرى وهتضعفى وهو هيبقى شاب وقوى .. لو زرعتى فيه حب وحنان هتلاقيهم ساعتها .. لو زرعتى عقد وكلاكيع مش هتلاقيه جنبك او هتلاقيه جنبك بالاهانه والوجع زى ما احنا شايفين الناس دلوقتى بتعامل اهاليهم المسنين ازاى ممكن توصل لأنهم يضربوهم لا حول ولا قوة الا بالله ..

:00012 :

والقصه دى فيها أختصار لكل حاجه عايزه أقولها ..

ستيقظ طفل في السابعة صباحاً , أيقظ والدته...
لم تستيقظ , بكى ( ماما أبي فطور ) , صرخت في وجهه :
فطور الحين؟ أقول رح نام !...
هرب الطفل من أمه وقد أخافته بصوتها المرعب !
فتح التلفاز... وجلس قليلاً...
ثم أسرع إلى المطبخ وقد غلبه الجوع...
أراد أن يصل إلى الرف العلوي من الدولاب لكي يصلح الفطور !
سقط وأسقط معه بضعة ! أكواب وصحون !
استيقظت والدته
وسارت بسرعة لترى...
اختبأ تحت طاولة الطعام
أمسكت بتلابيب قميصه و أشبعته ضرباً وهي تكرر :
ليش ما قلتِ لي إنك تبي فطور! ...
هرب من الخوف ولم يأكل.

الساعة الثانية عشرة ظهراً أعدت الوالدة الإفطار !
أكل بشراهة... واتسخت ملابسه...
نظرت إليه وصرخت : أنت غبي ما تعرف تأكل ,
شف محمد ولد خالتك كبرك وأعقل منك ؟
اغرورقت عيناه بالدموع وهرب إلى فناء المنزل
ولم يكمل إفطاره

الساعة الثالثة ظهراً...
عاد والده من عمله...
فرِح الصغير واستبشر , وأخذ يحدث والده
عن ابن الجيران وعن فيلم رآه في قناة كذا...
وعن مسلسل حدث فيه كذا وكذا...
كان الوالد مستلقياً على السرير...
قال الطفل بهدوء : بابا .. بابا وش فيك ما ترد عليّ ؟!
حرّك رأس والده بيديه الصغيرتين
فإذا به ( في سابع نومة )

الخامسة عصراً...
اجتمعت صديقات الوالدة في المنزل! ...وقد تأنق الصغير ولبس أجمل ثيابه...
وعندما همّ بدخول غرفة الضيافة
سحبته والدته...
منيده بشدة وقالت : ما قلت لك يا.... لا تدخل... تبي تفشلني !
رح عند التلفزيون , ولاّرح العب مع عيال الجيران.

الثامنة مساءً...
عاد الصغير وقد اتسخت ثيابه الجديدة...
وعلا صوته بالبكاء...
رأته الأم ورفعت
صوتها : (الله لا يعطيك العافية يا خبل) !
وش مسوي في ملابسك ؟...
أرادأن يشكو لها من أحمد ابن الجيران الذي ضربه وقال له كلام (قليل أدب) !
لكنها ضربته قبل أن يتحدث

التاسعة مساءً...
جاء الوالد , واجتمع مع عائلته للعشاء ..
أراد الصغير أن يحدثه عن ابن الجيران...
لكنه كلما همّ بالكلام
قال له أبوه : أنا تعبان ماني فاضي لخرابيطك .

العاشرة مساءً...
نام الصغير أمام ألعابه...
فأتت الوالدة لتحمله , وأمطرته بقبلاتها الحارة , ثم
تمتمت: أحبك يا أشقى طفل في العالم !
ضحك الأب وقال :
صح... فيه شقاوة مو طبيعية الله يعينا عليه .

والسؤال المهم :
هل هذه تربية؟ وإلى متى ونحن نكررالأخطاء ؟!
وحتى متى سنظل نربي أبناءنا بهذا الإهمال و التساهل ؟!
ومتى سنستفيد من الدراسات النفسية والتربوية ؟

قال ابن القيم – رحمه الله -:
"كم ممن أشقى ولده، وفلذة كبده في الدنيا والآخرة بإهماله
وترك تأديبه وإعانته على شهواته،
ويزعم أنه يكرمه وقد أهانه وأنه يرحمه وقد ظلمه
ففاته انتفاعه بولده وفوت عليه حظه في الدنيا والآخرة".

طفلك اما بيشوف منك اهانه وضرب بيبقى نفسه اى حد غريب يشفعله عندك عشان ترضى عنه وهو مرعوب منك .. وفى الاخر هيتعود يلجأ للغير اللى ياما هيخذله ويذله ويهينه لأنه اتخذل من لحمه ودمه من البدايه .. هى دى الأمومه اللى بتحلمى بيها !!