[من مطبخي] الفطير المشلتت بالذبدة ولا اروع ولا اسهل اتعلمي الفطير المشلتت الفلاحي علي اصوله

[زهرة البنفسج]

المشلتت , الفلاحي , الفطير , اتعلمى , اروع , اسهل , اصولو , بالذبدة , على , ولا

الفطير المشلتت بالذبدة ولا اروع ولا اسهل اتعلمي الفطير المشلتت الفلاحي علي اصوله

ازيكم يا بناويت هقولكم ع طريقة الفطير المشلتت ولا اروع ودي عصارة التجارب بتاعتي وبعد فشل كتيييييييييييييير
الحمد لله وبفضل الله قدرت اتوصل للطريقة الناجحة والسهلة
هو سهل جدا وعاوز بال طويل وهتعملي في فرن البوتجاز عادي جداا
وطعم روعة ونضافة ليكي ولاولادك
بسم الله
نبتدي نقول

المقادير
نص كيلو دقيق مخبوزات
ربع معلة ملح صغيرة
2 معلقة صغيرة سكر
مية للعجن
سمن
او زبدة
وزيت


الطريقة هنعجن كويس اقل شئ عشر دقائق لغاية ما تكون ناعمة وملساء
هنعملهم 5 كور وندهنهم بالزيت ونسبهم يرتحو ساعة علشان يتفرد بسهولة زي الصورة



هندهن رخامة او صينية عندك زيت ونبتدي نفرد لغاية ماتكون شفافة بالشكل ده



طبعا انا خلط الزيت بالذبدة لدهن الفطير


فردت العجينة ودهنتها زبدة زي الصورة كده






طبقتها زي المنديل كده وركنتها علي جنب


فردت وحدة كمان ودهنتها بالزبدة وجبت الاولي حطتيها جوة التانية بالشكل ده
وطبقتها كده اتنين





وفردت وحده تانية وحطيت الاتنين فيها وقفلت زي الصورة



كده وصلت لاخر وحدة رقم 5 وقفلت مع الدهن طبعا بالزبدة









هنا حاولي تلميها وتخليها مدورة



دهن صنية بالسمن



هسبها في الصينية ترتاح تاني ساعة و هغطيها



هدهن وشها بالزبدة



بعد ما سبتها اترتاحت ساعة اتفردت معايا بكل سهولة


ملحوظة هشغل الفرن قبلها بعشر دقائق وهشغل الشواية والفرن مع بعض علششان يكون حامي جدا

وبعدين انا هحط الفطيرة في الفرن من تحت خالص
متخفيش مش هتتحرق وكل شوية تلفيها
والشواية طبعا شغال وهتحمر من فوق ومن تحت
بعد ما تخرج غطيها علشان متنشفش وتكون طرية وبعدين قطعيها بالطريو التحبيها
ياريت تجربوها هتحبوها وطعمها رووووووووووووووعة
اتفرجو بقي









مورق اهو





متنسوش التقييم لاني تعبت في الصور والموضوع
والف هنا علي قلوبكم

[مسلمة سلفية]

الله الله الله الله الله
بجد انتى ولا اجدع شيف
الطريقه جميله جدا
وعجبنى قووووووووى الفطير
طيب مفيش طبق لينا ههههههههه
تسلم ايديكى ياحبيبتى
ما شاء الله عليكى شيفتنا الجميله
وبألف هنا وشفا على قلبك
تم التثبيت والتكريم والتقييم لحلاوة الفطير

[nada said]

رووووعة ماشاء الله عليكى
شكله يفتح النفس الف هنا ليكم
وتسلم ايدك يااجمل شيف
وان شاء الله اجربه

[عطر الزهور]

بسم الله ماشاء الله
مش مصدقه بصراحه تحفه
طعمه باين من شكله
تسلم ايديكى بجد اجمل فطير شوفتو
ان شاء الله اجربه واقولك النتيجه
تم التقيييييم

[هدير]

تسلم ايديك يا قلبى