عايزة زوجك يحبك المسيه جربي مش هتندمي

[زهرة البنفسج]

مش , المسيه , يحبك , دربي , زوجك , عايزة , هتندمى

عايزة زوجك يحبك المسيه جربي مش هتندمي

السلام عليكم ورحمة الله وبركاته

اذيكوا يا حلاوتهم يا رب تكونوا بخير وصحة وسعاده



بداية : الناس اللى معندهمش تفاؤل وبيحبطوا كل الناس وبيقولوا مفيش فائدة مش عايزاهم
عشان الباقى يستفاد ويحاول

حاسة اللمس




هتقولوا ايه علاقتها بمعاملة الازواج

هقول دى هى الاساس

طيب ازاى

جربى تتعاملى مع زوجك كده باللمس

وشوفى التغيير

طيب ندى امثلة للمعاملة دى



1- جوزك راجع من الشغل اكيد تعبان ومرهق
سلمى عليه وحطى ايدك على جبينه لو فى عرق امسحيه بمنديل وقوليله انت تعبت اوى انهردة عشانا ربنا يعينك

وبوسة على الجبين بعدها

2- جوزك بياكول وحاجة جت على وشة او ايده
متقولولوش امسحها حطى ايدك انتى وامسحيها
وقوليله عنك انت يا حبيبى


3- جوزك نايم لو من النوع اللى بيصحى بسهوله هيبقى احلى
تصحيه بلمسه من ايدك على وجهه وعلى جبينه وخده
لو زى حسبو جوزى وبيصحى بالطبل البلدى
يبقى بعد ما تصحيه وقام خلاص

تحطى ايدك على ايده وتطبطى وتقوليله صباح الفل


4 - طلب منك الريموت للتلفزيون تعمدى انك تلمسى ايده وانتى بتديله الريموت

5- جوزك مزاجه مش رايق ومخنوق
تمسكى ايديه الاتنين وتطبطبى عليهم براحة

وتقوليله ربنا يريح بالك

وفى امثلة كتيرة اوووووووى



طيب الفائدة ايه

اقراى الكلام العلمى ده



إن الجلد الذي لا يتم لمسه يموت ويموت معه صاحبه.
اللمس هي أول حاسّة تتطوّر لدى الأجنة.
انعدام اللمس يسبب الاكتئاب والعنف وعجز الذاكرة والتوتر

يُسمّى الجلد بـ»المخ الثاني» لأنه يعتبر ثاني جزء مهم بعد الدماغ في إدراك العالم وتسيير الحياة. كما يُسمّى أيضاً بـ»العين الثالثة» لأن اللمس يزوّد البصر بمعلوماتٍ تجعل الأشياء مفهومة ومشخّصة ويمنحها صفة محدّدة من حيث الوزن والصلابة والنعومة وغيرها.

الجلد أول عضو في الإنسان يتعلّم الإحساس ويرافق إحساسنا بالأشياء من خلال ملايين النهايات العصبية والتي تعمل كمحوّل للأحاسيس من الجلد للدماغ.

إن علماء اللغة والتواصل يرون أن اللمس أهم جزء في التواصل غير اللفظي، فمن خلال اللمس تتواصل مشاعرنا ونعبّر عن احتياجاتنا النفسية والبدنية.

نحن نحتاج اللمس لأنه يحمل معاني أساسية لنا مثل المحبة والمداراة والود والدعم العاطفي.

قد لايصدق البعض أن الجلد يحسّ .. إنه فعلاً يحسّ ويفكّر .. ويرى أيضاً.



قريتوا الكلام العلمى

طيب تعالوا للتنفيذ

انا قولت امثلة
طبقيها وجربيها
لو بتحبى جوزك وهو بيحبك جربى

الحنيه مش كلام بس

لا افعال ولمسة بسيطة بتوصلى بيها مشاعرك

لو شايفة ان الكلام ملوش لزمة

عندى ليكى الحل

جربى العكس

يعنى تخيلى ان جوزك هو اللى عمل كده
طبختى وعرقتى جيه لمسك ومسحلك عرقك وقالك تعبتى عشانا

زعلتى طبطب عليكى

شوفى هتحسى بايه ؟

لو جوزك مش بيتكلم كتير وكلامه قليل ورومانسيته قليله

جربى معاه الطريقة دى

ويارب اكون افادتكم يا قمرات

اخر حاجة بقا اى حاجة بتعمليها لجوزك
احتسبى النيه خالصة لله تعالى
وشوفى ربنا هيكافئك ازاى حتى لو جوزك متفاعلش معاكى



معلومة

المصافحة في السلام من سنن الإسلام حيث تتساقط الحسنات والرسول صلى الله عليه وسلم
كان لا ينزع يده في المصافحة حتى بتنزعها الآخر منه

ربنا يجعل الكلام ده فى ميزان حسناتنا



ادعولى بالذرية الصالحة يارب

ولو الموضوع عجبكم قيموه علشان غيرك يستفاد
منقول

[مكس كواليتي]

بالتوفيييق ...يعطيك العافية

[ابنة الشيخ]

تسلمى جزاكى الله خيرا