إزيكوا يا حلوين أخباركوا إيه
يا رب دايما تكونوا فى أحسن الأحوال
وصفة انهاردة وصفة بسيطة ان شاء الله تنال اعجابكم
الناجتس
صدور دجاج مخليه ومسلوقة
بطاطس مسلوقة
ملح
فلفل اسود
شطة
توم بودر
بصل بودر
جنزبيل بودر
بابريكا
بقسماط مطحون
2 بيضة
دقيق
زيت للقلى
هنجيب بولة كبيرة ونحط فيها أول حاجه البطاطس المسلوقة
بعد كده هنهرس البطاطس كويس بالهراسة
وبعد كده هنطحن الفراخ بالكبة ونضيفها للبطاطس
وبعد كده هنضيف عليهم التوابل اللى هى
ملح فلفل اسود شطة بصل بودر توم بودر جنزبيل بودر بابريكا ومعلقة من البقسماط المطحون
وهنضيف بعد كده بيضة على المكونات بتاعتنا ونعجنهم مع بعض كويس
بعد كده هنشكل العجينة بتاعتنا حسب الرغبة انا عملتهم كور بالشكل ده
وبعد كده هنحط الناجتس فى الدقيق وبعدين البيض ثم البقسماط
وبعد كده هنسيبهم يرتاحوا حوالى ربع ساعة فى التلاجة علشان ميفكوش فى الزيت
وبعد كده هنطلعهم على مناديل مطبخ علشان يتصفى منهم الزيت الزيادة
وده شكلهم النهائى
أتمنى الوصفة تكون عجبتكوا
لو عجبكوا موضوعى ادعوا لوالدى ووالدتى بالرحمة والمغفرة
وادعولى انا وأختى بدعوة حلوة
تجميع بسملة وختام خاص لحلاوتهم لكل الأقسام
بنوتة سكره
العرض العادي
