مقبلات ومعجنات مقبلات و سلطات وصفات شهية بالصور سلطة الملفوف سلطة سيزر,البطاطس اطباق سلطات الفواكه طرق عمل المقبلات البابا غنوج, الطخينة, مخلل الملفوف,معجنات,طرق عمل المعجنات, للبيتزا, حلقات البصل المقرمشة, الدقوس الحار,اجنحة الدجاج بالبهارات.
اللهم صلي وسلم علي سيدنا محمد وعلي آله وصحبه وسلم
عدد ما كان وعدد ما سيكون
حبايبي حلاوتهم النهارده حنزل لكم صور الفطير
بكل التفاصيل وكمان باختراعاتي فيه طبعا قبل كل شئ محتاجه دعواتكم ولو قيمتوا يبقي جزاكم الله خيرا اللهم يسر الامر يارب العالمين
المقادير
انا عملت هنا 3 كيلو دقيق
معاهم تقريبا 2 لتر ماء فاتر
ذره ملح وعجنت لحد ما العجينه اتلمت وبقت ملساء بالشكل ده طبعا ما ننسي الميه مش نحطها كلها نحط حسب احتياج
العجينه وحسب نوع الدقيق وبعد كده تركتها ترتاح حوالي ساعتين عقبال ما فضيت وقطعتها كور صغيره في حجم البرتقاله زي الصور كده
بعد كده تركته يرتاح شويه كمان اوبمعني اصح بدءت
باول حاجه قطعتها علشان تكون ارتاحت
وجبت الزبده والقشطه كنت محضراها
وكان في حلاوتهم هنا قالت نضيف رشه بكنج بودر علي الزبد حتساعد ان
الفطير يبقي هش ومنفوش وفعلا حصل كده
بعد كده نشوف حنفرد علي ايه الفطير انا بفرده وانا قاعده علي الارض
في صينه كبيره لان الكميه ماشاء الله كبيره
وصعب اني اعملها وانا واقفه
حضرت الصينيه ودهنت من الزبده السايحه
وبدءت في فرد اول كوره
فردت شويه
وبعد كده احطها علي الصينه وافردها بايدي لحد ما تبقي خفيفه خالص بالشكل ده
مش مشكله طبعا لو حصل ووانها اتقطعت شويه مش حيحصل حاجه
اول واحده ده اللي بيكون فيها الحشو
ايه الحشو بقي وايه الاختراعات بتعتي النهارده
اولا القشطه بتاعه اللبن بتعنا العادي
وحشو كمان مربي
وكمان مربي وموز
وكمان مكسرات وجوز هند وزبيب بس المكسرات تكون مطحونه
وكمان قبل كده حشيتها كاستر ومهلبيه زي الفطاطري لما
بيعلمها
وكانت بالشكل ده
بعد كده حنطبق الفطيره الاولي بالشكل ده
وتعلمى كل فطيره بنفسك الطريقه ونحط في قلبها اول فطيره عملنها لحد
ما نعلم تقريبا خمسه جوا بعض
وطبعا حسب حجم العجينه من الاساس
طبعا ما ننسي نرش زبده او سمنه او خليط زيت بسمنه او بزبده
زي ما انت عايزه انا بعملها النهارده بالزبده الصفراء ومن جوا
الحشو زي ما قولت بس القشطه اساسي في الحشوات او بقشطه
بس
الشكل النهائي بعد خمس وحدات بالشكل ده
زي ما انتوا شايفين دول ست فطيرات وطبعا ما ننسي ابدا انني نغطي الفطير
سواء وهو لسه عجين او كور او حتي بعد لما نخلص من فرده برضه
نغطيه علشان يرتاح شويه كمان قبل ميعاد الخبز
ولا ننسي طبعا اكيد كل مره نبدأ باول واحده خلصنها
وكمان نخلي بالنا الفطير المحشي مربي بالذات نخبزه اخر حاجه علشان
في الغالب بتطلع منه المربي وبتلزق في الصيبنه نخلص الاول الساده
او المسكرات وبعد كده
المحشي كاستر او مربي في الاخر
نحضر صواني الخبز
لو انتي مش مكتره الزبده زي حالاتي علشان اقلل في الدهون شويه
ادهني الصواني شويه
انا دهنت زبده الاول ولقتيها اتلسعت شويه بعد كده بقيت ادهنا زيت نباتي
الزيت بيدي لون حلو ومش بيحرق زي الزبده
او خليط
زي كده
هنا فردتها ودهنت وشها قشطه وده ضروري جدا علشان
تاخد لون حلو وكمان تبقي طريه
واهم مرحله الخبز
لو عندك فرن بيشتغل فوق وتحت مع بعض يكون كويس اوي لان الفطير عايز فرن عالي جدا علشان ما ينشفش
انا بقي بدءت بالخبز الصينيتين الاول حطتيهم تحت وبعد كده رفعتهم علي الرف
وحطيت معهم اثنين تانين تحت وهكذا لحد ما خلصت اللي تستوي
من تحت ارفعها علي الرف علشان الوش يستوي بالشكل ده
هنا بقي بدأ تتنفش الفطيره ماشاء الله وواستوت من تحت ورفعتها
علي الرف علشان من فوق كمان تستوي
وهنا استوي الحمد لله
وبعد كده لما يطلع علي طول نحطه في صينيه اكبر علشان حنحتاج الصواني
تاني او حله كبيره لها غطاء نحط فيها لافطير ونغطيه بسرعه علشان يطري شويه
لانه بيخرج مقرمش من الفرن في ناس بتحب ترش رشه ميه علي الوش
انا مش بعمل كده بغطيه في حله بغطاء محكم او صنيه وادخلها جوا شنطه
بلاستيك وبحط كل الفطير علي بعضه
وهنا لما رشيت عليه سكر بعد لما هدي شويه وشوفوا الطبقات
عامله ازاي مكنتش قادره امسكها من السخونه
خلصنا كده الحمد لله ايه رايكم يا حلاوتهم
يارب يعجبكم وتعبي ما يكون راح هدر
اخيرا في شويه ملاحظات
انا عايزه اقول الملاحظات يا حلاوتهم
اولا تغطيه العجين ضروري جدا
تريح العجين بسهل فرده كتير
الحشو لو مربي ممكن تخلي الفطيره واحده بس وتخليها كبيره
وكمان تخليها مش رقيقه اوي انا كنت بشوف الفطاطري بيعملها
بواحده بس وكبيره
لو حتعملي كذا واحده زي طريقتي خلي بالك ما تغطي عليها
انت بتفرديها في صينه الخبز علشان الحشوما يطلع ويتحرق
لو طلع منك زي ما حصل ممكن تشيل الزياده بالملعقه المربي
بالذات وتحاولي تكون الصنيه مفهاش حشو خالص علشان
ما تتتحرق بالفرن
المكسرات لازم تكون مطحونه
الموز الغلطه اللي حصلت وطبعا لان فكره الموز جت وانا بعمل قطعتها
قطعت وتوهمت اني عند الفرد لما اضغت عليه حيتهرس
طبعا ماحصلش وابدتء تتقطع مني
لذلك الموز اعملوه بيوريه ياجماعه حعمله كده المره اللي جايه
الفطير بالمربي مش محتاج عليه سكر
السكر المربي كانت كفايه
عندي فكره كمان حلوه لو نحمشي الفطير سكر عايد مع قرفه حيبقي تحفه
حجربها المره القاده بامر الله السكر حيسيح في الفرن زي العسل مع القرفه
حيكون تحفه واحسن من المربي مش حتسيح مننا واحنا بنخبزها
اخيرا انا اصلا بحب الفطير يكون حلو لذلك كل الحشو حلو او حتي مش
بحبه مع الاكل يكون مع جبنه او مش او كده لذلك كله حلو
اللي عايزه تعمله تاكله حادق نفس الخطوات لحد القشطه بس وتشيل
اي اضافات بعد كده
نسيت اقول اني بشيل الفطير في الفريزر لاني بعمل كميه واطلعه حسب
الحاجه واسخنه في الميكرويف ولا الفرن وبيبقي رائع يابنات
بس بلاش تشيلو الفطير المحشي باي حاجه سواء موز او كاستر
ده كلوه في وقته افضل
تجميع بسملة وختام خاص لحلاوتهم لكل الأقسام
اسينات
العرض العادي
