رمضان أحلى مع الزهرات ❤ التراويح ❤

**عطر الزهور** · رقم المشاركة : ( 1 ) 27-05-2017

❤ , أحلى , مع , التراويح , السهرات , رمضان

قال رسول الله صلى الله عليه وسلم
"من قام رمضان إيماناً واحتساباً غفر له ما تقدم من ذنبه". متفق عليه.

صلاة التراويح سنة مؤكدة عن النبي صلى الله عليه وسلم
بنصليها بعد صلاة العشاء

الرسول صلى الله عليه وسلم صلاها جماعة لكن مااستمرش على كدة .. خاف تبقى فرض على المسلمين ومش عايز يشق علينا
فممكن نصليها في المسجد وممكن نصليها في البيت
~~
والتراويح وقيام الليل مفيش أى فرق بينهم هو بس الناس اعتادت على تسمية الصلاة بعد العشاء في رمضان تراويح وباقي أيام السنة اسمها قيام
بنصليها مثنى مثنى زى ما الرسول أمر .. يعنى بنصلي ركعتين ركعتين
~~
عدد ركعاتها في اختلاف بين العلماء بس الأغلب قال 11 ركعة
عن عائشة رضي الله عنها أنها سئلت: كيف صلاة النبي صلى الله عليه وسلم في رمضان؟ فقالت: ما كان يزيد في رمضان ولا في غيره على إحدى عشرة ركعة.
وممكن نزود عادي
~~
بالنسبة للصلاة احسن في المسحد ولا في البيت
الأفضل للبنت إنها تصلي في البيت
لقوله صلى الله عليه وسلم : " لا تَمْنَعُوا نِسَاءَكُمْ الْمَسَاجِدَ وَبُيُوتُهُنَّ خَيْرٌ لَهُنَّ . "
وكل ما كان المكان اكثر خصوصية كان أحسن "

وقوله صلى الله عليه وسلم " صَلاةُ الْمَرْأَةِ فِي بَيْتِهَا أَفْضَلُ مِنْ صَلاتِهَا فِي حُجْرَتِهَا وَصَلاتُهَا فِي مَخْدَعِهَا أَفْضَلُ مِنْ صَلاتِهَا فِي بَيْتِهَا "

لكن ليكي حرية الإختيار الرسول مامنعش خالص هو قالنا الأفضل وأمر الرجال انهم مايمنعوش المرأة من الصلاة في المسجد
~~
بس خلى بالك الصلاة في المسجد لازم يكون بشروط
بإذن ولى الأمر .. والحجاب يكون كامل مش ملفت ولا يصف ولا يشف وبدون زينة وبدون برفان
لو الشروط دي طبقناها يبقى مفيش اى مانع شرعي من الصلاة في المسجد
~~
حاجة كمان يا زهرة
المسجد دة مكان عبادة مش مكان أكل وشرب
عشان وقت التراويح كبير شوية ففي ناس بتأخد معاها أكل بطريقة مبالغة ومش بتحافظ على نضافة المسجد
ممكن ناخد حاجة خفيفة كدة لو حاسين اننا ممكن نجوع ومانسبش أى أثر لأكل ورانا
عشان دة مكان عبادة واحنا مسلمين مفروض يبقى النضافة صفة فينا سواء في المسجد أو في أى مكان تاني
~~