عرض مشاركة واحدة
  رقم المشاركة : ( 1 )
قديم 27-07-2021
الصورة الرمزية الجنة غايتي
الجنة غايتي
.::| مشرفة قسم السنة النبوية|::.
الجنة غايتي غير متواجد حالياً
صاحبة الموضوع
بيانات العضوة
رقـــم العضويـــة : 1943
تــاريخ التسجيـل : Jan 2016
العــــــــمـــــــــر :
الــــــدولـــــــــــة : السعودية
الــــــمدينـــــــــة : الرياض
الحالة الاجتماعية : زوجة
الـــــوظيفـــــــــة : ام لأولادي
المشاركـــــــــات : 831 [+]
الأصـــــدقـــــــــاء : 14
عــدد الـــنقــــــاط : 258
أنا كنت بحب بيتنا أوي - صاحبة المشاركة njma-monthالجنة غايتي


أنا كنت بحب بيتنا أوي




أنا كنت بحب بيتنا أوي
صغير اه وضيق اه بس كان دافئ ، كان فيه راجل بجد وست بجد مش الي بنسمع عنهم دلوقتي ..
أنا عمر ما أمي فتشت في حاجات أبويا ، ولا ابويا فتح شنطة أمي ، وكان قبل ما يدخل علينا الأوضة لازم يخبط ،مافيش حاجة اسمها يزق الباب ويدخل ..
مرينا بمشاكل كتير ، وبابا أتعرض لأزمات كتير لا شفته اتعصب في يوم ع ماما ولا مد أيده عليها وبالتبعية ماشفتهاش فضحته ولا فتشت سره بالعكس كانت بتعمل المستحيل علشان تطلعه في أحسن صورة ..


لما بشوف الفضائح الي بينزلها الأزواج لبعضهم ولا أسمع تحريض الأزواج والزوجات لبعضهم بسأل نفسي ياتري اتربوا في بيوت شكلها ايه ؟!
ايه الوسط الي يطلع راجل يمد أيده ع زوجته ولا زوجة تفتح تليفون جوزها وتفتش فيه !!
ايه العبث ده !!
ومين سمي الخلل شطارة ولا جدعنة ورجولة ولا انتي كدة ست واعية وبتحافظي ع بيتك !!
ده عبث ولا ليه علاقة ب دين أو خُلق من قريب أو من بعيد ..
الدين مش حتة قماشة تتحط ع الراس ولا سجادة قائم نايم عليها ، الدين خُلق ومن فاقك في الخُلق فاقك في الدين ..
رجعوا المسميات لأصلها ، وماتسمحوش لناس خرجت من بيوت مختلة تفسد بيوتكم وتدمرها ..
ما تمدش إيدك ع زوجتك لأنك كدة حيوان ، ما تفتشيش جوزك لأنك كدة خاينة لستره ، ما تسمحوش للعبث يبقي عادي وماهو كل الرجالة والستات بتعمل كدة ..
يبقي الحرام حرام وان فعله كل البشر ، كونوا حائط عازل ضد العبث الزاحف ع مجتمعنا ، كونوا صوت الرفض لكل خلل بقي عادي ، كونوا الحلال المتصدي لحرام كتير ، كونوا الصح في وقت الناس بقت بتبرر فيه الغلط ..
كونوا الإختلاف الي ممكن يعدل الميزان المُختل ..
كونوا بيوت صالحة....كونوا رمانة الميزان ..



المصدر : منتدي حلاوتهم - من قسم: مواضيع عامة



رد مع اقتباس