منتدي حلاوتهم

منتدي حلاوتهم (https://7lwthom.net/vb/index.php)
-   حلاوتهم في رمضان (https://7lwthom.net/vb/forumdisplay.php?f=141)
-   -   شعيرة اسمها "زكاة الفطر" دي ربنا فرضها علينا (https://7lwthom.net/vb/showthread.php?t=64210)

زهرة البنفسج 18-05-2020 08:44 PM

شعيرة اسمها "زكاة الفطر" دي ربنا فرضها علينا
 
حبايبي العيد على الابواب😍كل عام وانتم فى احسن حال
فى شعيرة اسمها "زكاة الفطر" دي ربنا فرضها عشان تجبر نقصنا وتقصيرنا طول رمضان وهي واجبة على كل مسلم سواء طفل او بالغ حتى ان بعض العلماء اوجبوها على الجنين اللى عدى الاربعين يوم والبعض قال مستحبة للجنين ❤
بتخرج بمقدار صاع من الحبوب اللى بيتقوت بيها اهل البلد اللى انتى عايشة فيه
واللى علمناه عن النبي والقرون التى تليه ان اخراجها بيبقى "حبوب" مش فلوس وده الرأي اللى عليه ٣ ائمة بحثوا فى احاديث النبي وتتبعوا افعال الصحابة من بعده من اصل ٤ (الامام احمد والامام الشافعي والامام مالك) انها تخرج حبوب مش فلوس فاكيد مش هسيب الاجماع واخد بالشاذ !
فى ناس جميلة بتحاول تجتهد برايها مش برأي الشرع وتقول الفلوس الان اولى نظرا لما تمر به البلاد ! بس الرد عليهم بيكون بالقرءان الحقيقة!
(قل أءنتم اعلم ام الله )!
هل حضرتك ارحم بالفقير من الله ؟هل ...هل نسك الاسلام وشعائره توقيفية (ربنا بس اللى بيشرع)..ولا كل واحد عنده رأي شايفه من وجهة نظره افضل يعمله ؟
(يأيها الذين ءامنوا لا تقدموا بين يدي الله ورسوله واتقوا الله)
(وما كان لمؤمن ولا مؤمنة اذا قضى الله ورسوله امرا ان يكون لهم الخيرة)
هل تعتقدي انك افهم لكلام النبي من جيل الصحابة والتابعين والذين يلونهم ؟
زكاة الفطر اسمها منسوب للطعام (فطر)
غير زكاة المال وغير الصدقة ..فلما تعبدي الله اعبديه على مراده كما حدد لك كيف تعبديه مش تقولى هعبد ربنا على مزاجى ؟دي مش عبودية دي ندية كده!
👈طيب انا ما اعرفش فقراء وما اعرفش اطلع؟!
..هقولك يجوز لك الوكالة فى الاخراج بمعنى تدي حد قيمة الزكاة وهو يشتري الحبوب ويخرجهالك فى وقتها
👈طيب ايه الحبوب اللى تنفع لنا هنا فى مصر ؟
(الارز اساسي طبعا - مكرونة "جاية من القمح وبنتقوت بيها" - فاصوليا- لوبيا- فول)
الامر فيه سعة لك ان تختاري ارخص سلعة فيهم وتطلعي منها
👈طيب ايه وقتها اللى امرنا بيه النبي ؟
المفروض ان وقت الوجوب بيبدا من ليلة العيد لحد صلاة العيد وده افضل الوقت
وقت الجواز : قبل العيد بيوم او اتنين
اتمنى تكون المسالة وضحت لانها بالاساس امر يسير وربنا لم يكلفنا الا وسعنا فمنعملش زي بني إسرائيل ونشق على نفسنا بالافتكسات

سارة أحمد 22-01-2021 04:58 AM

رد: شعيرة اسمها "زكاة الفطر" دي ربنا فرضها علينا
 
مشكورة على مواضيعكِ الأكثر من رائعة والمميزة.. وسلمت الأنامل الذهبية
د
متي متألقة مبدعة متميزة
بانتظار جديدكِ المميز
و
دي واحترامي لشخصكِ الرائع


الساعة الآن 01:42 PM.

Powered by vBulletin® Version 3.8.11
Copyright ©2000 - 2021, vBulletin Solutions Inc.
User Alert System provided by Advanced User Tagging (Lite) - vBulletin Mods & Addons Copyright © 2021 DragonByte Technologies Ltd.