منتدي حلاوتهم

منتدي حلاوتهم (https://7lwthom.net/vb/index.php)
-   دردشة حلاوتهم (https://7lwthom.net/vb/forumdisplay.php?f=7)
-   -   خلوا بالكم من بناتكم (https://7lwthom.net/vb/showthread.php?t=50772)

عطر الزهور 16-02-2017 09:32 PM

خلوا بالكم من بناتكم
 
http://www.7lwthom.net/up/uploads/1484849589075.gif



يا بنات عندي نصيحة يمكن تفيد حد بخصوص الموضوع المنتشر عالفيس اليومين دول بتاع الشات المفبرك اللي بيتعمل وبيبتزوا بيه البنات
بنتي عندها 12 سنه مشتركة ف جروبات العاب بنات وتلبيس ولعب العيال ده وكنت بسيبها تضيف بنات منهم وبقول طالما متابعاها خلاص من فتره جاتلي رساله عالاكونت بتاعي ده واحده من الاصدقاء عند بنتي وبينهم اصدقاء مشتركين كتير جدا قالتلي انتي صاحبة فلانه ( علي بنتي ) قولتلها اه خير وكنت عايزه اعرف اخرها عشان كده مفولتش اني امها قالتلي طب خليها تكلمني ضروري جدا عشان انا غيرت الاكونت وببعتلها مبتردش قلقت فعملت شات جماعي لينا احنا التلاته صَممت انها تكلمها لوحدها كنت ساعتها مشغوله قولتلها شوفيها عايزه ايه وقوليلي وانشغلت شويه لقيت بنتي جيالي مهريه عياط وبتلطم علي وشها كأن حد مات وتقولي اتصرفي بسرعه قسمآ بالله ما كنت عارفه اتلم علي نفسي ولا فاهمه اي حاجة بمسك الموبايل لقيت شات متفبركلها بنفس اسم الاكونت وكلام قذر المفروض انها هي اللي قايلاه وبنتي اصلا 12 سنه قولتلها سيبيلي الموبايل ودخلت فيه شمال عشان هو كان اخر حاجه مهددها لو معملتش اللي هو عايزه هيفضحها وخصوصا ان بينهم اصدقاء مشتركة كتير جداااااا وهينزل الشات المتفبرك في المدرسه عندها وطبعا عرف كل ده من اصحابها المهم عرف ان حد كبير اللي بيتكلم قالي وليه الدخله دي يا برنس بس انت ابوها المهم مقطعتش معاه بسرعه حاولت اطول عشان لو يعرف اي حاجه عننا ابقي فاهمه زي عنواننا مثلآ او شغل بباها ودول اكتر حاجة كانت رعباني لقيته معندوش الحمدلله غير الشات المفبرك عملتله بلوك وعملت بلوك لكل اصحابها بما فيهم اللي اعرفهم دخلي من حوالي 10 اكونتات تاني وبعتلي نفس الشات روحت قافله الاكونت اصلا لقيته عايز يكمل معايا انا علي اساس اني صاحبتها ولقيته باعتلي ادد من فتره كبيره من كل الاكونتات اللي بعتلي بيها الشات بس حظه اني مبقبلش حد معرفوش ...
خلاصة الكلام تابعي بنتك وخليكي صاحبتها وشوفي بتكلم مين بدل ما تتورط وانتي مش دريانه ويتعرف منها عنوانكو وتفاصيل حياتكو ويا عالم وحتي جروبات التلبيس والزفت لو بنتك صغيره وفيها تابعيها انا عشت مرعوبه يعلم ربنا اد ايه ليكون عرف اي حاجة عننا ويعرف يأذينا مقصدش بالشات المتفبرك لكن قصدي بالسرقه مثلا بنتك من الخوف ممكن تحكي كل حاجة مقدرش اقول غير حسبي الله ونعم الوكيل واسفه طولت عليكو بس محبتش حد يعيش المرار اللي شوفته ف الايام دي
http://www.7lwthom.net/up/uploads/148484958916.gif


زهرة البنفسج 17-02-2017 07:46 PM

رد: خلوا بالكم من بناتكم
 

عطر الزهور 21-02-2017 03:06 AM

رد: خلوا بالكم من بناتكم
 

amani 17-05-2017 08:39 AM

رد: خلوا بالكم من بناتكم
 
حسبي الله ونعم الوكيل
ربنا يستر علي بنات الناس ويحفظهم يارب

عطر الزهور 21-05-2017 07:01 PM

رد: خلوا بالكم من بناتكم
 


الساعة الآن 03:07 AM.

Powered by vBulletin® Version 3.8.11
Copyright ©2000 - 2022, vBulletin Solutions Inc.
User Alert System provided by Advanced User Tagging (Lite) - vBulletin Mods & Addons Copyright © 2022 DragonByte Technologies Ltd.