منتدي حلاوتهم

منتدي حلاوتهم (https://7lwthom.net/vb/index.php)
-   الصحة النفسية والتنمية البشرية (https://7lwthom.net/vb/forumdisplay.php?f=55)
-   -   التبول اللاارادي عايزه حل (https://7lwthom.net/vb/showthread.php?t=1092)

سارا رامي 06-03-2013 02:38 AM

التبول اللاارادي عايزه حل
 
السلام عليكن ورحمة الله وبركاته

انا بنوتي عندها 5 سنوات وبعاني معاها في موضوع التبول اللا ارادي ده بجد زهقت جدا وبدعي لها ربنا يشفيها
هي كانت كويسه ومش بتعمل بيبي وهي نايمه لما كانت صغيره من ساعة ما اخوها شرف وهي تقريبا شعرت بالغيره فالامور اتغيرت كتير وبقي ده الطبيعي بتاعها وهو دلوقتي عنده سنتين ونص وبرضه مش بتستجيب ولازم يا اما افضل صاحيه طول الليل وادخلها التواليت كل ساعتين الا ربع او اظبط المنبه واصحيها تدخل ولما بعمل كده نومي بيتعفرت وبضايق جدا ومش بعرف انام وكمان ودني الفت صوت المنبه ومابقيتش اصحي عليه وغيرته ولم بكون تعبانه ولا بدري به اصلا وبنام وطبعا بقوم الاقي حادثه علي السرير ومش بزعلها ولا بحسسها والله بس عايزه اعرف اعمل ايه
؟؟؟؟؟؟ مين ام تعرف الحل النهائي انا عايزه اوديها لدكتور والله بس صابره عليها بقول لسه صغيره برضه

مهندسة سلفية 06-03-2013 07:11 AM

رد: التبول اللاارادي عايزه حل
 
نفسسسسس الحالة
الكبيرة عندى كدة و المتوسطة عمرها ما عملتها الا كام مرة ناااااااااااااااادرا !

انا دلوقتى صحيت علشان هى صحتنى اغير لها و غيرت لها و نامت تانى

هادور على حل و اقولك عليه يمكن مع بعض نلاقى حل للمشكلة دى
لان بجد عندى كدة يوميا و هى كمان اتعقدت و بتضايق من نفسها و بتصعب عليا

حياتى لله 1 06-03-2013 10:34 AM

رد: التبول اللاارادي عايزه حل
 
سااااااغه حبيبتى و شيمووو
يارب تلاقوا حل

بس رأيى طالما الموضوع زاد شويه لأن أسامه كبر وهيبطل الحفاضه خلاص
إنك تصبرى شويه لحد الشتا ما يخلص وتخليكى على الإحتياطات اللى إنتى عارفاها مش تشرب مدرات للبول ولا مايه بعد الساعه 7 كدا
وكلميها بالراحه وإعرفى منها إيه السبب يعنى مثلا بتكسل تقوم واللا بتحس بحرقان أوكدا فبتخاف
لأن ممكن الأملاح والصديد لا قدر الله يكونوا تاعبنها
وف الآخر بقى إعرضيها على دكتور

شوفت دا كمان


تصيب مشكلة التبول اللإرادي أثناء النوم العديد من الأطفال حول العالم. وهي مشكلة شائعة الحدوث، لها أسباب تؤدي إليها، مثلما لها آثار جانبية تنشأ منها.
وعند حدوث ذلك بشكل متكرر يصاب الطفل بالإحباط، وهذه الحالة شائعة لدى الجنسين لكنها منتشرة بين الذكور بنسبة أكبر من الأناث.

تغيير نمط الحياة
إن اتباع العادات الصحية والغذائية السليمة يمكن أن تحد من مشكلة التبول اللإرادي لدى الأطفال، لكن من المهم أولاً تحديد أسباب تلك المشكلة.
العديد من الأطفال يتمكنون من تجاوز هذه المشكلة تلقائيا بدون اللجوء إلى مساعدة، لكن إن ترافقت تلك المشكلة مع كل من الحالات التالية:
1- ألم أثناء التبول.
2- زيادة العطش.
3- تغير لون البول.
4- طفح جلدي في المناطق التناسلية.
5- اضطرابات النوم.
6- النعاس والخمول أثناء النهار.
عندها لا بد من استشارة الطبيب، لأن هذه الحالة قد تكون ناجمة عن عدم قدرة الأعصاب على التحكم بالمثانة، أو نتيجة لاضطراب هرموني، فمعظم الأطفال يفرز لديهم هرمون يقلل إنتاج البول أثناء الليل.

من بين الأسباب التي تؤدي إلى التبول اللإرادي:
- القلق أو التغيير كالانتقال إلى بيت جديد أو مدرسة جديدة أو التحضير لاستقبال مولود جديد.
- حدوث أي عدوى أو أمراض في الجهاز البولي، وفي حال حدوث ذلك فإن التبول اللإرادي سيحدث نهاراً
- مرض السكري الذي يؤثر على قدرة الأعصاب على التحكم بالمثانة ويقلل من قدرة المثانة على استيعاب البول مما يؤدي إلى التبول اللإرادي أثناء الليل.
- تناول بعض الأدوية المدرة للبول والتي يكون النعاس من آثارها الجانبية.

إن ثبت أن الطفل الذي لديه مشكلة التبول اللإرادي لا يعاني من أي مشكلة صحية، فلا بد من اتباع الإجراءات التالية:
1- التخفيف من مخاوفه وقلقه وذلك بالتحدث معه وتشجيعه على التبول قبل النوم مباشرة بشكل يومي.
2- يجب الحرص على عدم تناول الطفل لأي طعام أو شراب يحتوي على الكافيين
3- يجب تنظيم أوقات تبول الطفل خلال النهار والتقليل من تناوله للسوائل مساءً.
4- من المفيد جداً علاج مشكلة الإمساك التي تؤثر على وظيفة المثانة وتضعف قدرتها على الاحتفاظ بالبول.
5- تناول غذاء يحتوي على كمية كبيرة من الألياف كالخضار الفاكهة الحبوب التي تنقي الجسم من السموم.
6- تناول كمية كافية من السمسم، الحليب، الموز، اللوز، لأنها تساعد في التغلب على مشكلة التبول اللإرادي.
7- يجب الإقلال من تناول اللحوم والحلويات والأطعمة المضاف إليها أصبغة أو نكهات صناعية.
8- يجب تقليل تناول البيض، فول الصويا، المشروبات الغازية.
9- من الممكن استخدام بعض الأعشاب التي تخفف من القلق والتوتر لدى الطفل.
10-بعض الأطفال يرفضون الذهاب إلى الحمام ليلا لأنهم يخافون من المشي خارج غرفتهم في الظلام لذلك لا بد من إضاءة الممر المؤدي إلى الحمام، ولا بد أيضاً من وضع ضوء خافت داخل غرفة الطفل.
11-على الأهل أن يتفهموا مشكلة طفلهم وألا يلجئوا إلى معاقبة الطفل والتحدث معه بشأن أي قلق أو مخاوف تواجهه، واطلبي من طفلك أن يساعدك في تغيير غطاء الفراش وأن يضعه في الغسالة ولا تنسي أن تشكريه على تلك المساعدة.

منمن 06-03-2013 11:47 AM

رد: التبول اللاارادي عايزه حل
 
يارب تلاقي حل وتبطل ان شاء الله
معليش كتير كده

حبيبتكم 05-07-2019 09:09 PM

رد: التبول اللاارادي عايزه حل
 
الله يشفيها


الساعة الآن 06:20 AM.

Powered by vBulletin® Version 3.8.11
Copyright ©2000 - 2021, vBulletin Solutions Inc.
User Alert System provided by Advanced User Tagging (Lite) - vBulletin Mods & Addons Copyright © 2021 DragonByte Technologies Ltd.