الحمل والولادة

لو الدكتور قال لحضرتك مبروك المدام حامل لازم تتعامل مع الحقايق دي

لو الدكتور قال لحضرتك مبروك المدام حامل لازم تتعامل مع الحقايق دي :- أيوه فيه وحم و مراتك لو ده حملها الأول هتسحلك معاها ..يا محمد عايزة جمبري، يا محمد عايزة كيوي محشي فزذق..يا محمد هاتلي سمكة بزعانفها..يا محمد قعدني جوه محل كباب و كفتة و اقفل علياانت بقي هات اللي تقدر عليه، و صدقني هترتاح كتير بدال ما تلبسك تهمة وحمة في جفن بنتك علي شكل سندوتش شاورما سوري..محدش ناقص يعيش بالذنب ده طول عمره…- ايوه هتنزلوا تجيبوا لبس الحمل و مراتك هتلبسه من تاني شهر و كلها ثقة و شموخ..و ممكن تمسك ضهرها و تمشي بالراحة جداااااا كإنها داخلة عنبر الولادة…- مراتك هتسألك بطني كبرت من بعد ما عملت التحليل بيومين بالكتير…اوعي تقولها ان ده انتفاخ..دي بتبقي عايزة تمثل فيلم الحفيد بكل تفاصيله..- لما تاكل معلقة حلاوة و بعدها مخلل مع بيبسي..سيبها..و الله غصب عنها…- لو بتسألك كل يومين بمعدل عشرين مرة..هااا نفسك في ولد ولا بنت ؟ هااا نسمي ايه ؟ نسميها اسم أوزبكستاني ولا اسم اغريقي ؟ لازم تشاركها لأنها فعلا متحمسة جداً فوق ما تتخيل- لما مقاس رجلها يكبر أو وشها ينفخ أو مناخيرها تبقي واكلة نص راسها فا ده مش بمزاجها…حسسها دايماً انه مرحلة مؤقتة و كل ده هيفش..- خليك حنين عليها عشان تقلبات مزاجها بتبقي كتيرة أوي في الحمل و ده غصب عنها..ساعات هتلاقيها مربعالك علي الكنبة و متقمصة دور عبلة كامل، ساعات هتحس انك دخلت فيلم سعد اليتيمحاول تحتويها..هرمونات الحمل عاملة زي الملاهي..حبة فوق، و حبة تحت..- بلاش تزعلها عشان بجد البيبي بيتأثر بنفسية الأم..كيب كالم شوية..- لما تدخل التاسع بالسلامة و تقولك انا حاسة اني بولد، صدقها لأن غالباً بتكون بتولد او قربت بس هي مش عارفة تتصرف.بعد الولاده على طول هتقوللك البيبى شبهك خالص ، اعمل نفسك مصدقها ومتكسرش بخاطرها واوعى تقوللها ان البيبى شبه البطاطسايه لسه مش باين له شبه لحد معين .

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى