ديكور

علامات نظافه البيت وان الست مركزه ف التنضيف وشاطرة

من علامات نظافه البيت وان الست مركزه ف التنضيف وشاطرة 👌

ان حمام البيت نضيف باستمرار ومش مجير ..طب ازاى ؟؟

*الحمام النضيف يتنظف ع الاقل مرتين ف الاسبوع يتغسل البانيو و الحوض وقاعده الحمام من بره ومن جوه👌

*ركزى على جوانب البانيو وتحت الحوض ولمعى الحنفيه✋

*الحمام النضيف ملوش ريحه لانك بتفتحى الشباك كل يوم قبل النوم علشان يتهوى✋

*الحمام النضيف مرايته متلمعه 👍

*الارفف مش مزحومه وعلب الشامبو الفاضيه تترمى اول ب اول 💪

*الفوط تتغير اول ماتحسى ان ريحتها اتغيرت.. وميزى فوطه الوجه عن فوطه الشعر وعن فوطه الجسم مش كله بفوطه واحده👀

*الحمام النضيف ادوات نضافته جوه الحمام فى مكان مش باين يعنى تحت الحوض او ف رف مخصوص علشان يكون ف متناول ايدك😌

*لو فيه حشرات ف الحمام لازم ترشيه وتقفلى الباب والشباك ودايما يتمسح ب ديتول او فينيك او كلور لمنع التجيير😖

*الحمام دايما يكون متنشف قبل الخروج منه وعلمى اولادك العاده دى😌

*الشبشب المستعمل ف الحمام متمشيش بيه على سجاد البيت 👌

توضيب الدولاب 👗

علشان تحافظى على ترتيب دولابك ودولاب اولادك متحطيش اى هدوم مش مطبقه بحجه انك تعبانه او مش فاضية لان لو دخلتى هدوم مش مطبقه مره خلاص مش هتقدرى تسيطرى على فوضى الهدوم المتكومه طب الحل ف ايه ..اقولك حبيبتى 😍

*لو المشكله ف وقتك الضيق يبقى خلى التطبيق اخر حاجه ف يومك الطويل

*لو الهدوم بتدخل ف بعضها وده بيبوظ شكل دولابك يبقى الحل ف الفواصل ..اعملى فواصل بين التيشرتات والبناطيل ..طب اعمل الفواصل ازاى ؟؟ عارفه كرتونه النتايج لوعندك منها حطيها فواصل بين الهدوم علشان تحافظى على ترتيب الهدوم دايما

*متحطيش الملابس الداخليه والشرابات والطرح بين الهدوم لانها بتوه وبتعمل فوضى خليها ف ادراج منفصله ولو مفيش ادراج حطيها ف شنط قويه جوه الدولاب

*الهدوم او البطاطين او المفارش اللى مش بتستخدم طبقيها حلو وغطيها او حطيها ف شنط كبيره علشان تحافظى على نضافتها وريحتها الحلوه

*الملايات ..حطى كل ملايه جوه كيس الخداديه الصغيره هتوفرى مكان وطبعا وقت لانك مش هتدورو على باقى الملايه وسط الهدوم

*اخر حاجه علشان تخلى ريحه دولابك ديما حلوه حطى صابون الوجه بين الهدوم وبرده ممكن تحطى اعواد البخور بين الهدوم وبرده زجاجات البرفان .

نكمل بقي في بوست تاني ان شاء الله 😍🤗👌

دمتم في سعادة وهنا وراحة بال 🤗😍🌹🌹🌹🌹

ايمان

اللهم ارزقنا حبك وحب من يحبك وحب كل عمل يقربنا الي حبك واجعل سعادتنا في مناجاتك وأنعم علينا بمحبتك ورضاك في الدارين

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى