منوعات

خلوا المكالمة حلوة و خفيفة مش تقطيم و سدة نفس!

من الذوقيات ان لما حد يتصل بيك متسمعوش موشّح انت فين يا ندل و اخص عليك و انت لسه فاكر! و تفضل قالب صوتك طول المكالمة! و بترد و انت قرفان! و بعدها تستغرب هي الناس بطلت تكلمك ليه!

ما تكرهوش الناس في التواصل و انهم يكلموكم في الأعياد و المناسبات…
في ظل دوشة الحياة دي كتر خير اللي بيتكلم و بيوصل الود !
و كتر خير اللي بيبعتلك رسالة و افتكرك برضه…
و كتر خير اللي بيبعتلك ستيكر علي الواتس آب و مكتبش تحتيه كلمة!
كفاية انه افتكرك و انت نفسك معملتهاش قبل ما تقعد تجلده!

و بعدين قبل ما تسم بدنه ؛ ما كنت تتصل حضرتك؟
ما كنت تبعت انت؟ و الا هي غلاسة والسلام!
خلوا المكالمة حلوة و خفيفة مش تقطيم و سدة نفس!
كل واحد وراه هم ما يتلمّ..
و اللي هيلاقي مكالمة جيباله وجع دماغ مش هيتنّيها تاني..
خليك ذوق ..

#راقتنى

ايمان

اللهم ارزقنا حبك وحب من يحبك وحب كل عمل يقربنا الي حبك واجعل سعادتنا في مناجاتك وأنعم علينا بمحبتك ورضاك في الدارين

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى