الطفل

تمسّكي إن طفلك يشوفك بتقومي الليل ولو بركعة وتر..🌱

🦋تمسّكي إن طفلك يشوفك بتقومي الليل ولو بركعة وتر..🌱هيسألك : بتصلي إيه يا ماما بعد العشاء؟🙄هتكون دي فرصة تتكلمي عن السنن وفضلها..وقيام الليل 🌃

وفضله..قولي له :كلنا حبيبي صلاتنا ناقصة..إن ما كانش عشان السرحان فيها..وعدم التركيز في اللي بنقوله..هيكون لقلة الخشوع..والأفكار الكتير اللي بتيجي تخبط في دماغنا مخصوص وإحنا نفسنا نطردها..مين فينا ضامن صلاته 💯 ف ال 💯 ❓محدش..عشان كده السنن مهمة جدا جدا..تعتبر زي الحصالة اللي بتحوش فيها.. عشان لو اتزنقت تلاقي رصيد..ولو مكنتش محوّش..فموقفك هيبقى صعب جداً لو اتزنقت وملقتش رصيد .. 🙄❗هو ده نفس موقفنا من السنن..وخاصة قيام الليل..سيدنا عبد الله بن عمر مكنش بيقوم الليل 🌃..وهو من هو من الصحابة..فلما عرف رسول الله صلى الله عليه وسلم الأمر ده قال :نِعْمَ الرَّجلُ عبدُ اللَّهِ لَو كانَ يُصَلِّي مِنَ اللَّيْلِ..يعني الراجل الصحابي العظيم ده بردوا مكانش واصل لمرحلة معينة من المكانة عند الله إلا لما يقوم من الليل..فلما عرف كده سيدنا عبد الله.. أصبح يقوم الليل إلا القليل منه..يعني معظم الليل في قيام..إحنا عالأقل نصلي الوتر عشان ناخد الثواب ده..وعشان أنا مش عايزة يا حبيبي.. حصالتي تبقى فاضية يوم القيامة..هحرص أصلي السنن والوتر وياريت تبقى تشاركني.. عشان نزود رصيدنا سوا ونشجع بعض على طاعة ربنا ♥️

ايمان

اللهم ارزقنا حبك وحب من يحبك وحب كل عمل يقربنا الي حبك واجعل سعادتنا في مناجاتك وأنعم علينا بمحبتك ورضاك في الدارين

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى