منوعات

بطل تبروز نفسك نهاركم راحة

هاتصحي يوم الصبح تكتشف إنك عايز تلبس الي مريحك مش الي شكله شيك ولا ستايل ، وان قعدة بيتك وسط عيلتك قصاد مسرحية وكوباية شاي أحلي بكتير من مليون خروجة في أغلي أماكن ، وان رأي الناس مش مهم والي شايفنا وحشين أيوة أنا السئ في رواية أحدهم أمرني!!وإن الزحمة الي حوالينا مش دائمة وأي حاجة تتصرف علي صحتنا وتعليمنا وتطويرنا هي أهم حاجة ، واللقمة كانت فول عادي كانت كباب عادي مش فارق ، و إن مافيش حد حبك اكتر من نفسه غير ابوك وامك واي حد تاني ممكن يكون بيحبك اه لكن هايحب نفسه اكتر منك.وهاتكتشف إن كل مفاهيمك الي حاربت علشانها سنين مش كلها صح ، وان الأحلام علشان تتحقق محتاجة ذكاء واستمرار مش محتاجة توتر وخناق ، وان الأكل البيتي أحلي من بتاع الشارع وإن الخناقة الي دائرة بينك وبين نفسك كانت علشان عايز تبان قدام الناس بصورة ممتازة وكاملة وأنت إنسان ناقص وخطاء وديه طبيعة ولازم نقبل كدة وتبطل بروزة نفسك..نهاركم راحة

ايمان

اللهم ارزقنا حبك وحب من يحبك وحب كل عمل يقربنا الي حبك واجعل سعادتنا في مناجاتك وأنعم علينا بمحبتك ورضاك في الدارين

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى