منوعات

اوعى تشرب الشاي بالحليب عشان ده خطر ومضر جداا✋❌

اوعى تشرب الشاي بالحليب عشان ده خطر ومضر جداا✋❌

دى جملة وطريقة جميلة جدا عشان اعمل بوست أو ڤيديو يفرقع ويجيب مشاهدات ويعمل ريتش للصفحة ، وده للأسف الإسلوب والطريقة اللى بيتبعها ناس كتير عشان مصلحتهم الشخصية ، إنه يروج لأنصاف حقائق أو معلومات مغلوطة او مجتزئه بدون ذكر المعلومة كاملة بغرض جذب انتباه الكثير من المتابعين ومش مهم إذا كان هيلخبط معلوماتهم أو يشوش على تفكيرهم ويمنعهم يستخدموا حاجات عادية بيحبوها ويخوفهم من كل حاجة حواليهم ويجيلهم إحباط وإكتئاب 😔 المهم اللايكات والمشاهدات والترننند .

وللأسف مع الوقت بتبتدى الطرق دى تنتشر اكتر والمعلومة الخاطئة أو المجتزئه أو المعروضة بشكل خاطئ (عن عمد) تنتشر وتترسخ عند الناس على إنها حقيقة 👍 لاء وكمان الناس تبتدى ترددها وتلاقى ليها مبررات واعذار✋

ومش بس كده .. لاء ده لو فى حد قرر يفكر ويبحث ويجيب المعلومة المظبوطة والصحيحة من مصدرها وحب يصححلهم الفكرة بيهاجموه وينتقدوه ويقفلوا كل واى وسيلة لاستقبال المعلومات لديهم 🤝

للأسف السوشيال ميديا بقت مرتع لكثير من مروجى الشائعات والمعلومات المجتزئة والمغلوطة المغلفة بشكل علمى 😔

وبمناسبة الشاى باللبن اللى ذكرناه كمثال … فالصح إننا نقول إن قيمته الغذائية كمشروب مكون من عنصرين على بعض (الشاى والحليب) أقل من لو كل عنصر فيهم استخدم لوحدوا
لأن المركبات الموجودة فى الشاى وفى الحليب بيتحدوا مع بعض ويقللوا من نفع بعض

بروتينات الحليب بتمتزج مع مضادات الأكسدة اللى فى الشاى وبتقلل الاستفادة منها لكن ما بتلغيش الاستفادة دى نهائيا

والكالسيوم اللى فى الحليب بيتحد مع بعض مركبات الشاى المفيدة وبيتكون منهم مركبات ثقيلة بيصعب على الجسم امتصاصها والاستفادة منها وبالتالي بتقل نسبة الكالسيوم المفيدة فى الحليب

الخلاصة إنه مشروب لذيذ ومحبب لناس كتير لكن فايدته الغذائية أقل من لو شربنا الحليب لوحدوا أو الشاي لوحدوا …. لكن مش مضر نهاااااائيا✋

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى