منوعات

أمى بتسلم عليكم وبتقولكم عايزين بصلتين

احلى الأيام. . أمى بتسلم عليكم وبتقولكم عايزين بصلتين … . أمي بتسلم عليكم وبتقولكم دوقوا الملوخية بتاعتنا . . أبويا بيقولكو هيفوت دلوقتي على عم صلاح علشان يروحو يزورو عمي حسين علشان عيان . . ياابا عم خالد جارنا ضربني …اكيد انت عملت حاجة غلط علشان يضربك . . هاتي يابت الطرحة ألبسها علشان هنشر الغسيل . . اومال فين محمود …تلاقيه نام عند صالح جارنا علشان هم كانوا بيلعبوا مع بعض.. . . مش هتاكل يا سيد ..لأ خالتي أم محمد حطتلي آكل مع ابنها مجدي وأنا بكتب الواجب أنا وهو. . روحي يامديحة قولي لخالتك أم أحمد جارتنا عايزين ننشر باقي الغسيل عندك علشان بلكونتنا مش مكفية .. . مترزعش الباب ياابني واطلع براحة عالسلم احنا بئينا العشا والناس نايمين متقلقهمش . . يلا يا ابراهيم فوت على صلاح ابن الجيران وعدوا على سيد وانزلوا الجامع علشان تفرشوا الحصير وتنضفوا الشارع مع عمك عطية علشان صلاة الجمعة . . ياأمي ياأمي محمد جارنا خربش أخويا وعوروا في دراعه …معلش يابنتي هم بيتخانئوا وبيتصالحوا تاني روحي اندهيلوا علشان احطلو مكركروم . يااااااااااااااااااااااااااه . . دي حياتنا لما كنا عايشين. . من امتى ومحدش خبط على باب حد وطلبطماطم أو بصل أو خبز او حتى نعناع . . من امتى ومحدش زار جاره المريض أو حتى من غير مرض وشرب معاه الشاي وقرب منه . . طب كام مصيبة حصلت لما عيل اتخانق مع جاره وممكن تطير فيها رقاب . . طب كام مرة وصينا ولادنا ميزعجوش الناس ويحترموا وجود بشر عايشين معانا . . صحيح كانت البيوت قديمة والحياة بسيطة لكن كانت القلوب حية والإنسان غالي . . فقدناطعم الجيرة وفقدنا التواصل بالود والمعروف سبحان الله . كانت القلوب طاهرة . . وجملة (أمى بتسلم عليكم) كانت عبارة جميلة بتعبر عن جمال المحبة . . . . وجمال روح الجيران. . وهي دي سنة الرسول الكريم اللي كان بيوصي زوجته ويقولها لما تطبخي زودي وأعطي جيراننا . . واليوم لم تعد الحياة لها طعم بعد الاستغناء عن الجار والسجن بين أربع حيطان . . تعالوا نحيي سنة الرسول الكريم . . تعالوا نرجع نحب جيراننا ونتعرف عليهم . . تعالوا نعتبر ولاد جيراننا زي ولادنا ونصبر على بعض . . تعالوا نفوت على بعض في الاعياد والمناسبات ولو نسلم من عالباب ونقول كل سنة وانتو طيبين . . تعالوا لو جارنا مريض نزوره ونطمن عليه وندعيله . . تعالوا نحترم بعض ونراعي مشاعر بعضنا ونحب للجار مانحب لانفسنا . . تعالوا نبطل أذى لبعضنا بالازعاج والصوت العالي وإلقاء القمامة ورزع الباب ولعب الاطفال في اوقات غير مناسبة . . تعالوا نضحك في وش بعض مع مراعاة الاحترام والحشمة والعفة. . يا ريت نرجع تاني يبقى لينا كبير نرجع ليه و يحكم بينا في المشاكل . . تعالوا نعيش تاني زي زمان ❤

ايمان

اللهم ارزقنا حبك وحب من يحبك وحب كل عمل يقربنا الي حبك واجعل سعادتنا في مناجاتك وأنعم علينا بمحبتك ورضاك في الدارين

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى